Di 193 rojên şer de hejmara miriyan gihişt 34 hezar kesî.
Tevî hewldanên agirbestê jî hîna çareseriyek şênber ji bo rawestandina şer nehatiye dîtin.
Li gor rayedarekî Îsraîlî Hemasê pêşniyar kiriye li beramberî agirbesta 6 hefteyan û berdana bi sedan Fîlistiniyan 20 dîlên di destê xwe de berde.
Li aliyê din Heyva Sor a Filistînê ragihand ku Îsraîlê 2 xebatkarên xwe yên ku 50 roj berê li bajarê Xan Yanusê yê li başûrê Şerîda Xezayê binçav kiribû, serbest berdan.
Wezareta Tenduristiyê ya Hamasê ragihand ku ji 7’ê Cotmehê ve ji ber êrîşên Îsraîlê hejmara miriyên li Xezeyê nêzî 34 hezarê bûye.
Li gorî Hamasê di şerê ku zêdeyî 6 meh in dewam dike de, di encama êrîşên Îsraîlê de 33 hezar û 843 kes mirin.
Wezareta Tenduristiyê ya Hamasê diyar kir ku di heman pêvajoyê de 76 hezar û 575 kes jî birîndar bûne û diyar kir ku di nava 24 saetan de herî kêm 46 kes mirine.
Medyaya Îsraîlê: Hemas li beramberî agirbestê pêşniyara berdana 20 dîlan kir
Her wiha rayedarekî Îsraîlî anî ziman ku Hemas pêşniyar kiriye li beramberî agirbesta 6 hefteyan û berdana bi sedan Fîlistiniyan 20 dîlên di destê xwe de berde.
Malpera Walla ya ku navenda wê li Îsraîlê ye ragihand ku rayedarê ku navê wî nehat zanîn hincet ji Hamasê re pêşkêş kir da ku hejmara 40 dîlan kêm bike.
Malperê ragihand ku hejmara ku berê li ser hatibû lihevkirin êdî nemaye, ji ber ku hinek navên hatine pêşkêşkirin ne sax in û hinek jî di destê rêxistinên din de ne.
Li gorî Ajansa Nûçeyan a Erebî (AWP), berpirsê Îsraîlî da zanîn Hemasê jî hejmara filistîniyên ku dixwaze ji zindanên Îsraîlê bên berdan zêde kiriye
Her wiha piştî bidawîbûna beşa yekem a danûstandinan di beşa duyemîn de Hemasê şert datîne da ku garantiyên navneteweyî rawestandina şer misoger bike.
Îsraîlê li Xezayê 2 xebatkarên Heyva Sor serbest berdan
Heyva Sor a Filistînê ragihand ku Îsraîlê 2 xebatkarên xwe yên ku 50 roj berê li bajarê Xan Yanusê yê li başûrê Şerîda Xezayê binçav kiribû, serbest berdan.
Li ser mijarê ji aliyê Heyva Sor a Filistînê ve daxuyaniyeke nivîskî hat dayîn.
Di daxuyaniyê de hat ragihandin ku leşkerên Îsraîlê 50 roj berê dema birîndarên ji Nexweşxaneya Emel a li Xan Yûnisê derdixistin, 2 efserên ambulansê serbest berdan.
Her wiha hat gotin ku 6 xebatkarên Heyva Sor hê jî di destê leşkerên Îsraîlê de ne û çarenûsa wan ne diyar e.
