Ji destpêka êrîşa Îranê ya li dijî Îsraîlê de her du aliyan hîna jî li ser encamên êrîşê nîqaşan dikin.
Liderê olî yê Îranê Elî Xameney ji ber operasyona li dijî Îsraîlê spasiya artêşa Îranê kir.
Her wiha Serokomarê Îsraîlê Îshaq Herzog jî anî ziman ku êrîşa tund a Îranê ya li dijî Îsraîlê ji Ewropayê re sînyalek e.
Li aliyê din ji ber serpandina cezayê ya li serÎsraîlê Herzog hişyarî da Amerîkayê diyar kir ku ev yek dê bibe xeletiyek mezin.
Hîna jî nîqaş û rageşiyên li ser êrîşên Îranê ya li dijî Îsraîlê didomin.
Lîderê olî yê Îranê Elî Xameney derbarê operasyona leşkerî ya Tehranê ya li dijî Îsraîlê de daxuyaniyek da.
Ji aliyê ajansa fermî ya nûçeyan ve hatin ragihandin ku Xameney ji ber vê operasyonê spasiya artêşa Îranê kir, .
Xameney her wiha bang li artêşa Îranê kir ku “bê navber nûjeniyên leşkerî bişopîne û taktîkên dijmin fêr bibe.”
Xameney got:
“Ya girîng ne ew e ku çend moşek hatin avêtin û çend ji wan li hedefên wan ketine.
Ya girîng ew e ku Îranê bi vê operasyonê biryardariya xwe nîşan da.”
Herzog: Îran ji bo cîhanê gefa herî mezin e
Her wiha Serokomarê Îsraîlê Îshaq Herzog di daxuyaniya xwe ya ji bo koma medyaya Almanyayê Springer de axivî.
Herzog li ser îdiayên êrîşa moşekî ya Îsraîlê ya li dijî Îranê ku roja Înê di çapemeniya Amerîkayê da hatin weşandin, lê hûrgiliyên wan nehatin eşkerekirin, bersivand û got:
“Ez difikirim ku çêtir e ku ev nezelal bimîne.”
Herzog di hevpeyvîna xwe ya bi rojnameya Bild re diyar kir ku metirsiya rastîn a li ser îstiqrara cîhanê Îran e û got,
“Ev împaratoriya xerab a bi pêşengiya Îranê ji bo têkbirina îstiqrara cîhanê tedbîrên bêhempa digire.”
Herzog anî ziman ku êrîşa tund a Îranê ya li dijî Îsraîlê ji Ewropayê re sînyalek e û got,
“Eger şiyar nebin û bihêz nebin û bi koalîsyona NATO û Ewropayê re li dijî vê împaratoriya xerab şer nekin dibe ku di pêşerojê de berdêla vê yekê bidin.”
Herzog metirsiya bidestxistina bombeya nukleerî ya Tehranê di pêşerojê de wekî xetera herî mezin li ser paşeroja cîhanê pênase kir.
Herzog bang li cîhanê kir ku li hember vê metirsiyê bi hev re tevbigerin û “eger hewce bike” şer bikin.
Îsraîlê bertek nîşanî sepandina cezayên Amerîkayê da
Li aliyê din Herzog hişyarî da Amerîkayê ku ji ber êrîşên ku li Şerîa Rojava li dijî Filistîniyan tên kirin, cezayên li ser Îsraîlê sepand û got:
“Ev yek dê bibe xeletiyeke mezin.”
Herzog diyar kir ku binpêkirinên muxtemel ên di artêşa Îsraîlê de wê bên lêkolînkirin û darizandin û got:
“Dadgeheke me ya gelekî xurt heye. Li Îsraîlê kes nikare ji hiqûqê bireve.”
Wezîrê Derve yê Amerîka Antony Blinken ragihand ku dê di rojên pêş de cezayên li ser tabûra Netzah Yehuda ku ji leşkerên Cihû yên ultra-ortodoks ên artêşa Îsraîlê pêk tê, werin sepandin.
Tabûra Netzah Yehuda bi beşdarbûna gelek bûyerên tundiyê, binpêkirina mafan û hêza bêrêkûpêk li dijî Filistîniyan tê tawanbar kirin.
Serokwezîrê Îsraîlê Benjamin Netanyahu jî bertek nîşanî ji ber sepandina cezayan li Amerîkayê da û li ser hesabê xwe yê medyaya civakî peyama “Divê artêşa Îsraîlê neyê cezakirin” parve kir.
Ebdullahiyan: Dronên li ser Îsfehanê firiyan mîna lîstokên zarokan bû
