Ukrayna tevî alîkayên li welatên cîhanê di eniya şer de ber bi têkçûnê ve diçe.
Serfermandariya Ukraynayê ragihand ku ji ber pêşdeçûna Rûsyayê neçar mane li hin herêman vekişin.
Li aliyê din alîkarê Serokwezîrê Avusturalya û Wezîrê Parastinê Richard Marles ragihand ku dê alîkariya leşkerî ya zêde ya bi qasî 100 mîlyon dolarî ji Ukraynayê re were dayîn.
Ev demeke Ukraynayê li hemberî Rûsyayê li herêman vedikişe û vê yekê jî weke kêmbûna alîkariyê bi nav dike.
Derbarê rewşa eniyê şer ên Ukraynayê de Serfermandar Oleksandr Sîrskî axivî.
Serfermandariya Ukraynayê Oleksandr Syrskyi diyar kir ku ji ber hejmarek zêde ya hêzên Rûsyayê li eniya rojhilat, pozîsyona artêşa Ukraynayê lawaz bûye.
Syrskyi diyar kir ku li hin herêman paşvekişandin çêbûne û li hemberî pêşdeçûna Rûsyayê erd ji dest dane.
Oleksandr Syrskyi diyar kir ku leşkerên Ukraynayê ji hejmara xwe zêdetir vekişiyane cihên nû û diyar kir ku rewşa wan li eniya rojhilat xerabtir bûye û Rûsyayê hêzên xwe yên girîng li gelek nuqteyan kom kiriye û got:
“Dijmin bi giştî di warê taktîkî de hin serketin bi dest xistin, lê di operasyonê de nekarî sûdê bi dest bixe.”
Leşkerên Rûsyayê ji serê salê vir ve bi taybetî li herêma Donetsk ji hêza mirovî û çekan sûd werdigirin dîsa êrîş dikin.
Ji aliyê din ve Wezareta Parastina Rûsyayê di daxuyaniyekê de ragihand ku wan gundekî din li nêzîkî Berdîçiyê kontrol kirine û her wiha Wezaretê ragihand ku wan êrişên dijber ên Ukraynayê li nêzîkî Çasiv Yar pûç kirine.
Leşkerên Rûsî bi sûdwergirtina ji kêmbûna top û hêza mirovî ya Ukraynayê pêşde diçin piştî kontrolkirina Avdiivka, ku Kîev wekî ‘keleha’ xwe bi nav dike.
Awusturalya dê bi qasî 100 milyon dolar alîkarî bide Ukraynayê
Li aliyê din alîkarê Serokwezîrê Avusturalya û Wezîrê Parastinê Richard Marles ragihand ku dê alîkariya leşkerî ya zêde ya bi qasî 100 mîlyon dolarî ji Ukraynayê re were dayîn.
Li gor daxuyaniya nivîskî ya Wezareta Parastinê ya Awûstralyayê, Wezîr Marles li ser mijarê li bajarê Lviv ê Ukraynayê ji çapemeniyê re axivî û bi Serokwezîrê Ukraynayê Denîs Şmygal re hevdîtin kir.
Marles diyar kir ku di pakêta alîkariya leşkerî ya zêde de dê pergala parastina hewayî ya menzîl kurt bi nirxa 50 mîlyon dolarî, pergalek hewayî ya bêmirov bi nirxê 30 mîlyon dolarî, maskeyên dûmanê, jenerator heye.
Ji ber vê yekê Marles teqez kir ku Awustralya ji destpêka şer heta niha bi giştî 880 milyon dolar alîkariya leşkerî pêşkêşî Ukraynayê kiriye û destnîşan kir ku tevahiya alîkariyên ku ji wî welatî re hatine kirin gihîştiye milyarek dolar.
