Li seranserî cîhanê li hin welatan bobelatên xwezayî rû didin.
Li rojhilatê Hindistanê di meha Nîsanê de ji ber germahiya zêde herî kêm 9 kes mirin.
Her wiha li bajarê Gûangdong ê li başûrê Çînê jî ji ber barana zêde beşeke otobanekê hilweşiya û 36 kes jiyana xwe ji dest dan.
Li aliyê din welatê Kenyaya Rojhilatê Afrîkayê ji meha Adarê û vir ve ji ber lehî û şemitîna axê hejmara miriyan derket 181’an.
Li herêma rojhilatê Hindistanê ji ber pêla germê ya ku meha borî bandora xwe çêkir, meha Nîsanê herî germ bû.
Li herêmê ji ber germahiya zêde herî kêm 9 kes mirin.
Rayedarên meteorolojiyê diyar kirin ku di meha Gulanê de jî germahî dê li ser normên demsalî bimîne.
Germahiya navîn a li rojhilatê welêt di meha nîsana borî de wek 28,12 pile hat tomarkirin.
Hat diyarkirin ku herêmên navend û bakurê rojavayê welêt ku bi gelemperî di vê wextê salê da pêlên germê lê dibarin, meha borî ji ber bahozên navbirî bi giranî xilas bûn.
Meteorolojiyê pêşbînî kir ku di rojên pêş de şert û mercên pêla germê hêdî hêdî kêm bibe.
Li Çînê baranên zêde: 36 kes mirin
Her wiha Medyaya Çînê ya ni navê CCTV’ê ragihand ku bûyer ji ber barana zêde pêk hatiye û karesateke jeolojîk a xwezayî ye.
Li gorî ajansa China Newsê (çayna niyws) piştî saet 02.00’an nêzîkî 18 metreyên otobanê hilweşiyaye û di encamê de 20 wesayît asê mane û 54 kes jî birîndar bûne.
Heman ajansê ragihand ku 36 kes ji ber hilweşîna rê jiyana xwe ji dest dane.
Di dîmenên ku li ser medyaya dijîtal û medyaya herêmî hatine weşandin de tê dîtin ku ji çala ku wesayît ketinê agir û dûman bilind dibe.
Li gorî medyaya dewletê rayedaran ji bo xebatên rizgarkirinê nêzîkî 500 kes şandine.
Li bajarê Gûangdongê di hefteyên dawî de gelek bûyerên hewayî yên dijwar yên weke lehî û bablîsokan pêk tên.
Li Kenyayê lehî û şemîtîna axê
Li aliyê din li welatê Kenyaya Rojhilatê Afrîkayê ji meha Adarê û vir ve ji ber lehî û şemitîna axê hejmara miriyan derket 181’an.
Hikûmeta Kenyayê di daxuyaniya xwe de diyar kir ku ji ber lehî û şimitîna axê bi sed hezaran kes neçar mane malên xwe biterikînin.
Ji ber barana zêde û lehiyê li welêt rê, pirr û binesaziyên din jî zirar dîtin.
Ji meha Adarê ve li Kenyayê 181 kes mirin
Sala par li Kenyayê ji ber barana ku li Rojhilatê Afrîkayê yek ji wan demên hişkesalî yên herî dijwar bû, gelek kesan jiyana xwe ji dest dabûn.
Li Kitengela ku bi qasî 33 kîlometreyan dûrî paytext Naîrobî ye, Xaça Sor a Kenyayê ji bo kesên ku malên wan ji lêhiyê bandor bûne rizgar bikin, operasyon da destpêkirin.
Midûriyeta rêyên parêzgeha Nairobî ragihand ku wê beşek ji otobana ku ber bi bajêr ve diçe li trafîkê girtiye.
Li seranserê welêt 3 rêyên din jî ji ber lehî û mayînan li trafîkê hatin girtin.
