Rêxistina Şopandina Mafên Mirovan-HRW bang li Amerîkayê kir ku “demildest firotina çekan û alîkariya leşkerî ya ji bo Îsraîlê rawestîne.
HRW di daxuyaniya xwe de diyar kir ku êrîşa Îsraîlê ya li Lubnanê ku bû sedema mirina 7 bijîşkan û ev yek “êrîşeke neqanûnî ya li dijî sivîlan e.”
Rêxistinê eşkere kir ku di êrîşan de çekên ku ji aliyê şîrketa Boeing a Amerîkî ve hatine çêkirin hatin bikaranîn.
Rêxistina Şopandina Mafên Mirovan derbarê êrîşên Îsraîlê û firotina çekan a Amerîkayê de daxuyaniyek parve kir.
HRW’ê di daxuyaniya xwe de diyar kir ku êrîşa Îsraîlê ya li dijî navendeke tenduristiyê weke êrîşeke neqanûnî ya li dijî sivîlan e ku tedbîrên pêwîst nehatine girtin.
Her wiha di daxuyaniyê de hat gotin:
“Eger êrîşa li dijî sivîlan bi zanebûn an jî bi awayekî bêpergal hatibe kirin, divê weke sûcekî şerekî eşkere bê lêkolînkirin.”
Artêşa Îsraîlê derbarê tawanê de tu daxuyanî nedan
Artêşa Îsraîlê derbarê sûcdariyê de tu daxuyanî nedan.
Lê artêşa Îsraîlê di daxuyaniyekê de yekser piştî êrîşê îdia kir ku li Hebbariyê li avahiyeke leşkerî xistiye û çekdarên ku yek ji wan ji Cemaat-ul Îslamî ye hatine kuştin.
Rêxistina Şopandina Mafên Mirovan di daxuyaniya xwe de îdiaya Îsraîlê ya li ser ‘tevgera leşkerî’ red kir û diyar kir ku “ti delîl li ser hedefeke leşkerî li herêmê tune ye” û ev êrîş “li maleke ku Komeleya Alîkariya Lezgîn û Alîkariyê ya Îslamî ya Lubnanê lê tê de ye xist.”
Rêxistinê di daxuyaniya xwe ya ji bo Cemaat-ul Islamî ya ku komeke misilmanên sunnî ye, îdiaya Îsraîlê red kir û diyar kir ku têkiliya wî bi tu rêxistineke siyasî ya Lubnanê re nîne.
Şîrketa boeing a Amerîkî
Çekên ku ji aliyê şîrketa Boeing a Amerîkî ve hatine çêkirin hatin bikaranîn.
Ji aliyê din ve, HRW ragihand ku di nav perçeyên çekan de ku li cihê bûyerê hatine dîtin, bermahiyên bombeyeke Israîlî û herwiha bermahiyên rênîşanderan ku ji aliyê şîrketa Boeing a Amerîkî ve hatiye çêkirin, hene.
Lêkolînerê Lubnanî ya HRW Ramzî Kaîss got:
“Hêzên îsraîlî çekek Amerîkî bikar anîn da ku êrîşek li Lubnanê pêk bînin û heft xebatkarên alîkariyê yên sivîl ku tenê karê xwe dikirin kuştin.”
Rêxistina Şopandina Mafên Mirovan bang li Dewletên Yekbûyî yên Amerîkayê kir ku “demildest firotina çekan û alîkariya leşkerî ya ji bo Îsraîlê rawestîne, ji ber delîlên ku artêşa Îsraîlê bi neqanûnî çekên Amerîkî bikar tîne.”
