Di meha borî li bajarê Hesekê bi rê û rêbazên cuda çend kes hatin kuştin.
Nivîsgeha Dijî Tewanan ya Asayîşê hurguliyên 3’ê sûcên kuştinê eşker kir.
Asayîşê destnîşan kir ku wan hemû kesên destên wan di kuştin de heye girtin.
Di meha Nîsanê de, li bajarê Hesekê çend sûcên kuştin pêk hatin.
Hêzên Asayîşê jî li ser van sûcan dest bi lêkolîn û lêpirsînê kirin.
Piştî zelalbûna bûyeran, Asayşê li ser mijarê agahî bi raya giştî re parve kir.
Ji Rêveberên Nivîsgeha Dijî Tewanan Se’id Ibrahîm hurguliyên 3 sûcên kuştinê eşkere kir.
Di meha 4’an ya sala 2024’an de, li bajarê Hesekê û gundewarê wê çend kes hatin kuştin.
Hêzên me yên dijî tewanan ji bo girtina sûcdaran yekser mudaxelekirin û der barê sûcên kuştinê doz vekirin.
Di nav van dozan de jî doza kuştin Mihemed Salih Şêxî ku 11’ê meha 4’an de hatinbû kuştin.
Me agahî ji nexweşxaneyên bajêr girtin ku kesek bi navê Mihemed Şêxî bi çeka spî (kêr) hatiye kuştin.
Piştî vê me berê xwe da cihên bûyerê û dest bi lêkolîn û lêpirsînê kir.
Di encamê de derket hol ku ve kes li pêş kafîtiryekê di êrişek bi çekên spî de ji aliyê çend kesan ve hatiye kuştin.
Di lêpirsînê de, kesên ku hatin girtin li xwe mukir hatin ku wan Mihemed Şêxî kuştine.
Di dîroka 12’ê meha 4’an jî di seat 03:30 berbangê me agahî wergirtin ku kesê bi navê Fûad Ebdulbaqî Camo yê ji gundê Enkezî yê 10 kîlometreyan durî Hesekê ye, girt.
Hate hînbûn ku ev bûyer li ser pirsgirêka malbata hevjîna wî rûdaye.
Me destur ji Dozgeriya Giştî girt ku em malbata hevjîna Fûad 24 seatan ji bo lêpirsînê bi wan re bikin, bînin.
Piştî lêpirsînê keskên girtî li xwe mukir hatin ku wan Fûad di mala wî de kuştin û cenazeyê wî dûrî mala wî bi 4 km veşartine.
Pişter hêzên me cenaze derxistin û derket hol Fûad bi mermiyên çeka nîçîrê hatiye kuştin.
Ji ber vê hemû endamên malbata hevjîna Fûad hatin girtin.
Her wiha 19 meha 4’an di seatên berbangê de, agahî ji nexweşxaneyên bajêr wergirt ku kesek kuştiye anîne nexweşxanê.
Kesê kuştî ji bi navê Hadî El-Hiskê ye û ji taxa Mişêrfê ye.
Hêzên me berê xwe dan cihê bûyerê û lêkolîn kirin.
Di encama lêkolînê de Hadî di serê xwe de derb xwariyê û ji ber wê hatiye kuştin.
Her wiha derket holê ku amûrên sûcê hatine bikaranîn hemû ji bo xapandinê ye.
Paştî wê me dest bi lêpirsînê kir.
Di lêpirsînê de, hevjîna Hadî li xwe mukir hat ku wê û hevjînê wê yê berê Hadî kuştine.
Her wiha li tiştên diziyne jî mukur hatine.
Asayîşê kesê girtî ji dozgeriya Giştî re şandin da ku werin darzandin.
Ji Rêveberên Nivîsgeha Dijî Tewanan Se’id Ibrahîm bang li gelê herêmê kir ku ji bo ewlehiya herêmê bi wan re alîkar bin.
