Dagirkeriya Tirk û çeteyên wê 3 sivîl birînda Kirin û ambulansek rêxistina “FBR” a Emerîkî kir hedef

Dewleta Tirk a dagirker bi awayekî dijwar û çekên giran vê sibehê êrîşî navçeya Eyn Îsa û kampa wê kir.
Ji ber êrîşan 3 sivîl birîndar bûn û rêya M4 hat qutkirin û jiyana bi hezaran sivîlan di xeteriyê de ye.

Artêşa Tirk a dagirker û çeteyên wê hewl dide navçeya Eyn Îsayê dagir bike û bi vê armancê bi dijwarî êrişî gundên Seyda, Mualeq, Wasta yên rojavayê Eyn Îsayê kirin.

Di encamê de 3 sivîl birîndar bûn.

Artêşa Tirk dema ambulansek girêdayî Rêxistina Free Borma Rangers a Emerîkî ji bo birîndaran rake diçû herêmê kir hedef, lê belê ziyan çênebû.

Li derdora Eyn Îsayê topbaran û êriş bi dijwarî dewam dikin.

JI BER ÊRÎŞAN RÊYA M4 HAT QUTKIRIN

Ji ber êrişên dagirkeran rêya navneteweyî ‘M4’ ya di navbera Eyn Îsa û Kobanê û Eyn Îsa û Şergirakê de hate qutkirin û xetere li ser jiyana sivîlan heye.

Her wiha artêşa tirk û çeteyên wê ji gelek aliyan ve êrîşî derdora Kampa Eyn Îsayê jî kirin.

Tevî vê yekê navenda navçeyê jî topbaran kirin.

Şervanên QSD’ê û leşkerên rêjîma Sûrî bersiva êrişan didin.

Şêniyên Eyn Îsayê ji ber êrîşan neçarî koçberiyê dibin.

ÇETEYAN ÊRÎŞÎ GUNDÊ ŞERGIRAKÊ KIRIN

Artêşa Tirk a dagirker û çeteyên wê bi topên hewan û obusan gundê Şergirak ê navçeya Eyn Îsayê topbaran dikin.

Li vê derê jî şervanên QSD`ê û hêzên rejîma Sûriyê bersiv dan êrîşan.

Mijarên Girêdayi

Leave a Reply

Back to top button
Close
Close