Rêxistina Qedexekirina Çekên Kîmyewî (OPCW) encamên li ser îdîaya bikaranîna çekên kîmyewî li Ûkraynayê eşkere kir.
OPCW ragihand ku derbarê karanîna çekên kîmyewî ya Rûsyayê de bi têrkerî nehatin piştrastkirin.
Her wiha îstîxbarata Ukraynayê ragihand ku wan pêşî li plana sûîqestê ya di nav wan de Serokê Ukraynayê Volodymyr Zelenskiy li dijî rayedarên payebilind ên Ukraynayê girtin.
Li aliyê din serokwezîrê Almanya Olaf Scholz bang li welatên Ewropayê kir ku parastina hewayî ya Ukraynayê ji rezervên heyî xurt bikin.
Rêxistina Qedexekirina Çekên Kîmyewî (OPCW) encamên li ser îdîaya bikaranîna çekên kîmyewî li Ûkraynayê eşkere kir.
Berdevka OPCW’ê Elîsabeth Waechter daxuyanî da û got:
“Federasyona Rûsya û Ûkraynayê hevdu sûcdar kirine û ji bo îdîayên bikaranîna çekên kîmyewî ji rêxistinê re ragihandine.”
Agahiyên ku ji her du aliyan ve hatine û her wiha agahiyên di destê Sekreteryayê de bi têrkerî nehatine piştrastkirin.”
Waechter hişyarî da û got:
” Dîsa jî rewş dikare biguhere, ixtimala ku madeyên kîmyewî yên bi jehr weke çekekê bêne bikaranîn cihê tirs û fikaran e.”
Wezareta Karên Derve ya Amerîkayê hefteya borî Moskowê sûcdar kir ku li dijî leşkerên Ûkranyayê ‘çeka kîmyewî’ bikar aniye.
Kremlîn, sûcdariyên Amerîkayê ‘bêbingeh’ bi nav kir û anî ziman ku ew hurmetê nîşanî “erkên xwe yên li gorî hiqûqa navneteweyî” ya li vê herêmê dide.
Ukrayna: Me plana suîqastê ya li ser Zelenskiy asteng kir
Her wiha îstîxbarata Ukraynayê ragihand ku wan pêşî li plana sûîqestê ya di nav wan de Serokê Rûsyayê Volodymyr Zelenskiy li dijî rayedarên payebilind ên Ukraynayê girtin.
Hat diyarkirin ku 2 albayên yekîneya parastinê bi hinceta ku agahiyên veşartî dane îstîxbarata Rûsyayê hatin binçavkirin.
Hat diyarkirin ku di plana kuştinê de efserên ku dê Zelenskiy dîl bigrin û paşê bikujin, hatiye pêşbînîkirin.
Hat ragihandin ku di nav hedefan de serokê îstîxbarata leşkerî Kirilo Budanov û Serokê Îstîxbarata Ukraynayê Vasyl jî hene.
Schoz: Divê Ewropa parastina hewayî ya Ukraynayê xurt bike
Li aliyê din serokwezîrê Almanya Olaf Scholz bang li welatên Ewropayê kir ku parastina hewayî ya Ukraynayê ji rezervên heyî xurt bikin.
Li gorî nûçeya Bîld a Almanî, Serokwezîr bi bîr xist ku Almanya dê ji rezervên xwe sîstema parastina hewayî ya sêyemîn Patriot bide Ukraynayê û got:
“Ev nîşanek pir eşkere ye ku em amade ne alîkariyê bidin cihên ku cebilxane lê kêm in.
Ji ber ku em nikarin li bendê bin heya ku pergalên nû werin hilberandin.
Divê em ji rezervên heyî zêdetir pergalên parastina hewayî bidin Ukraynayê.”
