Li dijî operasyona bejahî ya li Refahê ji hêla gelek welatan ve bertek hat nîşandan.
Sekreterê Giştî yê Neteweyên Yekbûyî Antonîo Guterres, rayedarên Misirê, Qralê Urdinê Ebdullahê duyemîn û hin welatan bal kişandin xeteriya operasyona li Refahê.
Yek ji lîderê Hamasê Usame Hemdan di daxuyaniya xwe de anî ziman ku Hemas dê di bin zext û rageşiya leşkerî de bersivê nede ti peymanên pevguhertinê.
Li aliyê din Rêveberiya Filistînê bang li Amerîkayê kir ku “demildest destwerdanê bike da ku Îsraîlê hewl nedin ku Refahê dagir bikin û welatiyên wê koçber bikin.
Piştî ku artêşa Îsraîlê hêzên xwe li derdora Refahê bicîh kir, ji aliyê gelek welatan ve hişyarî hat dayîn.
Artêşa Misrê hêz û wesayîtên xwe li aliyê Misrê yê Deriyê Sînor ê Refahê bi cih kirin.
Artêşa Misirê li ser sînorê Xezayê ket tevgerê
Ev yek di demekê de ku Qahîre navbeynkariya danûstandinên nû yên agirbestê di navbera Hemas û Îsraîlê de dikir, pêk hat.
Misirê operasyona leşkerî ya Îsraîlê ya li Refehê ku di encamê de aliyê Filistînê yê Deriyê Sînor ê Refahê xist bin kontrola Îsraîlê, bi tundî şermezar kir.
Hemas: Di bin rageşiya leşkerî de ti bersivê nedin peymanan
Yek ji lîderê Hamasê Usame Hemdan di daxuyaniya xwe de anî ziman ku Hemas dê di bin zext û rageşiya leşkerî de bersivê nede ti peymanên pevguhertinê.
Hemdan diyar kir ku biryara berfirehkirina operasyonên leşkerî ya li Refahê nîşana israra Îsraîlê ya li ser astengkirina hewldanên navbeynkaran e.
Galant: Ger lihevkirin nebe emê operasyona Refahê kûrtir bikin
Her wiha Wezîrê Parastinê yê Îsraîlê Yoav Galant diyar kir ku eger Hamas bi peymana ku di encamê de dîl bên berdan qebûl neke, ew ê operasyona bajarê Refahê kûrtir bikin.
Îsraîl bi redkirina pêşniyara agirbestê ya ku ji aliyê Hamasê ve hatibû pejirandin, roja Duşemê li Refahê operasyoneke leşkerî da destpêkirin û deriyê derbasbûna stratejîk a li ser sînorê Misrê girt.
Guterres: Operasyona li Refahê şaştiyeke stratejîk e
Her wiha Sekreterê Giştî yê Neteweyên Yekbûyî Antonîo Guterres, li ser banga xwe ya ji bo agirbesta li Xezayê dubare kir, bang li Îsraîlê kir ku ji operasyoneke berfireh li Refahê dûr bisekinin.
Guterres anî ziman ku operasyoneke bi vî rengî ya li ser Refahê dê bibe sedema karesateke mirovî û şaşiyek stratejîk.
Urdin: Divê pêşî operasyona li dijî Refahê bê girtin
Qralê Urdinê Ebdullahê duyemîn jî tekezî li ser pêwîstiya rêgirtina li operasyona bejayî ya Îsraîlê li dijî Refehê kir.
Ebdullah diyar kir ku “Kontrolkirina Îsraîlê ya li aliyê Filistînê yê Deriyê Sînor ê Refahê û girtina wê ya ji alîkariyê re wê karesata însanî ya li Xezayê zêdetir bike.”
Filistîn: Divê washington destwerdana lezgîn bike
Li aliyê din Rêveberiya Filistînê bang li Amerîkayê kir ku “demildest destwerdanê bike da ku Îsraîlê hewl nedin ku Refahê dagir bikin û welatiyên wê koçber bikin.
Berdevkê Serokdewletê Filistînê Nebîl Ebû Rudeyne derbarê metirsiya ku Îsraîlê li Refahê komkujiyê bike hişyarî da û got:
“Ev rewş jiyana bi milyonan Filistîniyan dixe metirsiyê.
Kontrolkirina sînorên Filistînê ji aliyê Îsraîlê ve wê êşa welatiyan zêdetir bike.”
