Artêşa Îsraîlê Rojhilatê Xeza û Refahê bombebaran kir. Li Xezayê 9 û Refahê jî 35 kes di bomberanê de hatin kuştin.
Her wiha di daxuyaniya baskê leşkerî yê Hamasê Tugayên Îzzeddîn el-Qassam de hat ragihandin ku di navbera leşkerên Îsraîlê û leşkerên Qessam ên ku derbasî rojhilatê Refahê bûne de pevçûnên dijwar rû didin.
Li aliyê din Rojnameya Haaretz ragihand ku komên Filistînî 30 roket avêtin bajarokên Israîlî yên ser bi Şerîda Xezayê.
Di roja 214’ê de jî êrîşên du alî yên Îsraîl û Hemasê berdewam kirin.
Di êrîşên hewayî yên Îsraîlê ya di 24 saetên dawîn de li Refahê 35 kes mirin û 129 kes jî birîndar bûn.
Di êrîşên Îsraîlê yên li ser Refahê de 35 Filistînî mirin
Li gorî agahiyên ku ji çavkaniyên tenduristiyê yên li Nexweşxaneya Kuweytê ya li Refahê hatin wergirtin, cenazeyên 35 kesan anîne nexweşxaneyê.
Hat parvekirin ku di êrîşên ku balafirên şer ên Îsraîlê malên sivîlan hedef girtin de piraniya kesên ku jiyana xwe ji dest dane zarok û jin in.
Li Rojhilatê Refahê pevçûnên Îsraîl û Hemasê
Her wiha di daxuyaniya baskê leşkerî yê Hamasê Tugayên Îzzeddîn el-Qassam de hat ragihandin ku di navbera leşkerên Îsraîlê û leşkerên Qessam ên ku derbasî rojhilatê Refahê bûne de pevçûnên dijwar rû didin.
Baskê leşkerî yê Cîhada Îslamî ya El-Quds jî diyar kir ku yekîneyên wan bi hêzên Îsraîlê yên ku derbasî rojhilatê bajarê Refahê bûne, ketine pevçûnan.
Rayedarên Îsraîlê derbarê mijarê de hîn ti daxuyanî nedane.
Îsraîl Rojhilatê Xeza û Refahê bombebaran kir
Ajansa Nûçeyan a Filistînê (WAFA) ragihand ku danê sibê di encama bombebarana Îsraîlê ya li ser rojhilatê Xeza û Refahê li başûrê Şerîda Xezayê de 9 kes mirin.
Li gorî nûçeya WAFA’yê, balafirên Îsraîlê apartmanek li herêma Askola ya navçeya Ez-Zeytûn a li rojhilatê Xezayê kirin armanc.
Hat diyarkirin ku di encama êrîşê de mêrek, jinek û 5 zarok jî di nav de 7 kes mirin.
Di encama bombebarana Îsraîlê de 9 kes mirin
Hat diyarkirin ku di êrîşa bombeyî ya ku ji aliyê Îsraîlê ve li nêzî Deriyê Selahadîn a li başûrê Refahê bi motorsîkletê hat kirin de 2 kes mirin û hin kes jî birîndar bûn.
Ajansa Şehab li ser hesabê xwe yê Telegramê ragihand ku topxaneyên taxa El-Selam li rojhilatê Refahê û balafirên Îsraîlê jî Beyt Lahiya li bakurê Şerîda Xezayê armanc girtin.
Ji aliyê din ve televîzyona El-Eqsa ragihand ku hêzên Îsraîlê li heremen curbicur ên naverast û başûrê Şerîda Xezayê êrîş pêk anîn.
Medyaya Îsraîlî: 30 roket ji xezayê ber bi bajarokên Îsraîlê hatin avêtin
Rojnameya Haaretz ragihand ku komên Filistînî 30 roket avêtin bajarokên Israîlî yên ser bi Şerîda Xezayê.
Li gorî nûçeya Ajansa Nûçeyan a Cîhanê ya Ereb (AWP) hate diyarkirin ku pergala parastina hewayî ya Qubeya Hesinî nîvê van roketan îmha kiriye û yên mayî jî ketine qadên vekirî.
Meclisa Herêma Eşkolê diyar kir ku ji ber moşekan li herêma Nehel El-Haşûr şewat derket, lê ziyanên canî çênebûne.
