Rêveberiya Xweser herêma Bakur û Rojhilatê Sûriyê di sala 2020’an biryara derxistina welatiyên Sûrî ji Kampa Holê girt.
Di vê çarçoveyê de, Rêveberiya Kampa Holê 69 malbatên ji Dêra Zorê ber bi herêmên wan ve vegerand.
Li Dêra Zorê jî ji bo van kesan alîkarî tên kirin û derfetên kar tên peydakirin.
Rêveberiya Kampa Holê 69 malbatên ji Dêra Zorê yên di kampê de dimînin, vegerandin herêma wan.
Rêveberiya Xweser a Demokratîk ya Bakur û Rojhilatê Sûriyê di sala 2020’an beriyara derxistina Sûriyayan ji kampa Holê derxistin.
Ji wê demê heta niha 54 beş (defee) ji kampê derketine û vegeriyane herêmên xwe.
Di beşa îro de 254 kes hene ku piraniya wan zarok û jin in.
Şandeyeke Rêveriya Xweser, hevserokên Nivîsgeha KarûBarên Penaberan û Koçberan çavdêriya derxistina beşê ji kampê kir.
Têkildarî mijarê hevseroka Nivîsgeha KarûBarên Penaberan û Koçberan Meryem Îbrahîm behsa derxistina welatiyên Sûrî ji kampê kir wiha got:
“Rêveberiya Xweser ji nêz ve van kesan dişopîne, ji ber ku di nava salên borî de rastî gelek fikrên tunderw hatine.
Ji ber wê me cihên prewrdeyên taybet ji bo wan vekirin da ku di pêşerojê de tevlî civakên xwe bibin.”
Cîgirê Desteya Rêveber a Meclisa Rêveber a Dêra Zorê Fethî El Tiêş ku ew jî çavdêriya derixstina malbatan kir anî ziman ku li Dêra Zorê amadekariyên ji bo wan têne kirin.
“Meclisa Dêra Zorê ji bo ku rewşa malbatên li herêmê cih dibin bişopînin komîteyek ava kiriye.
Bi rêya vê komîteyê alîkarî ji wan re tê pêşkêşkirin û derfetên kar tê peydakirin.”
Yek ji jinên ku ji kampê derket wiha kêfxweşiyan xwe anî ziman:
“Em gelekî kêfxwşin bi vê derketinê.
Di salên borî de, me gelek zehmetî dît.
Êdî em dixwazin li warê xwe bijîn û zarokên xwe fêrî jiyana rast bikin.”
Piştî danûstendinên dinavbera QSD’ê û rûspiyên Kantona Dêra Zorê de nîqaşkirina rewşa kesên wê vegerin kantonê.
Ev gav bi kefaleta rûspiyan bû malbatên têne derxistin daye.
