Di 221 rojên şerê Îsraîl û Hemasê de rageşî li derdora Refahê zêde bûye.
Tankên Îsraîlî duh jî li rojhilatê Refahê pêşdeçûna xwe berdewam kirin û gihiştin hin deverên niştecihbûyî yên bajarê li başûrê Xezayê.
Her wiha Rêxistina Çavdêriya Mafên Mirovan (HRW) ku navenda wê Amerîka ye, ragihand ku artêşa Îsraîlê ji destpêka şer û vir ve herî kêm 8 caran êrîşî karwanên alîkariyê yên li Xezayê kirine.
Di 221 rojên şerê Îsraîl û Hemasê de rageşî li derdora Refahê zêde bûye.
Her çi qas Îsraîlê dest bi operasyona bejahî ya li Refahê nekiribe jî bi êrîşên hewayî û li ser hin heremên derdora Refahê êrîşên xwe didomîne.
Tankên Îsraîlê gihiştin li hin heremên Refahê
Her wiha tankên Îsraîlî duh jî li rojhilatê Refahê pêşdeçûna xwe berdewam kirin û gihiştin hin deverên niştecihbûyî yên bajarê li başûrê Xezayê.
Şaxê çekdar a Hamasê diyar kir ku duh li taxa El-Salemê wesayîteke ku leşkerên Îsraîlê têde bûn bi moşekê “îmha kir”.
Hamasê da xuyakirin ku hin leşkerên Îsraîlê hatin kuştin û hin jî birîndar bûn.
Di navbera 360 hezar û 500 hezar filistînî piştî ku Îsraîlê hişyarî da wan ku taxên rojhilat û navenda bajêr vala bikin, ji bajarê Refahê derketin.
HRW: Îsraîl li Xezayê herî kêm 8 karwanên alîkariyê xistin
Rêxistina Çavdêriya Mafên Mirovan (HRW) ku navenda wê Amerîka ye, ragihand ku artêşa Îsraîlê ji destpêka şer û vir ve herî kêm 8 caran êrîşî karwanên alîkariyê yên li Xezayê kirine.
Di rapora ku ji aliyê Çavdêriya Mafên Mirovan ve hat weşandin de, hat îdiakirin ku ev êrîş tevî ku kordînatên ku ji aliyê rêxistinên alîkariyê ve tên bikaranîn, ji berê de bi rayedarên Îsraîlê re hatine parvekirin.
Hat ragihandin ku di 8 êrîşan de 2 jê zarok herî kêm 15 kes mirin û 16 kes jî birîndar bûn.
Li gorî daneyên ku Neteweyên Yekbûyî di destpêka şerê li Şerîda Xezayê de hejmara xebatkarên alîkariyê yên ku mirine 250’î derbas kiriye.
WSJ: Amerîka herî kêm milyarek dolar cebilxane ji Îsraîlê re bişîne
Li aliyê din rojnameya Wall Street Journal (WSJ) ya Amerîkî diyar kir ku rêveberiya Amerîkayê Kongre agahdar kiriye ku herî kêm milyarek dolar cebilxane ji Îsraîlê re bişîne.
Hat diyarkirin ku di nav çekên ku tê plankirin ji Îsraîlê re bên şandin cebilxaneyên tank, wesayîtên leşkerî û hawanan hene.
Ji bo temamkirina firotanê erêkirina Kongreyê pêwîst dike.
Biden di daxuyaniya xwe ya 9’ê Gulanê de gotibû ku eger Îsraîlê êrîşeke mezin li ser Refahê pêk bîne ew ê alîkariya çekan a ji bo Îsraîlê bidin sekinandin.
Qesra Spî: Biden dê pêşnûmeya ku ji Îsraîlê re çekan bişîne veto bike
Her wiha li ser mijara şandina çekan Qesra Spî daxuyaniyek parve kir.
Qesra Spî ragihand ku Serokê Amerîka Joe Biden dê pêşnûmaya qanûnê ya bi pêşengiya Komarî ya ku dê çekên parastinê ji Îsraîlê re bişîne veto bike.
