Hêzên Gerîla li Zapê dijî dagirkeran gelek çalakî lidar xistin.
Di çalakiyan de, derbên giran li dagirkeran hatin xistin û derb li sîstemeke kamera ya mobesse hate xistin.
Her wiha HPG’ê hemû cerdevanên ku tevlî êrîşên dagirkeriyê yên dewleta Tirk bûne hişyar kir û got: “Cerdevanên ku bi roleke nexêr rabin, wê rojekê teqez bêne darizandin û hesab ji wan bên pirsîn.”
Gerîlayên Azadiya Kurdistanê li herêmên Parastinê yên Medyayê derbên giran li artêşa Tirk a dagirker dan.
Navenda Ragihandin û Çapemeniyê ya HPG’ê têkildarî çalakiyên gerîla û êrişên dagirkeriyê daxuyaniyek weşand.
HPG’ê di daxuyaniyê de ev agahî parve kir:
“Li Herêma Şehîd Delîl a Rojavayê Zapê;
19’ê Gulanê hêzên me yên YJA-Starê li Qada Berxwedanê ya Girê Cûdî bi çekên giran li dagirkeran xistin û derb li sîstemeke kamera ya mobesse hate xistin.
Her wiha li heman deverê, piştî çend seatan bi çekên giran û nîv otomatîk li dargirkeran hate xistin.
Heman rojê li Qada Berxwedanê ya Girê Amediyê hêzên me yên YJA-Starê bi çekên giran li dagirkeran xistin.
Di encamê de, liv û tevgera dagirkeran hate rawesetandin.”
Artêşa Tirk 21 caran bi çekên kîmyewî qadên gerîla bombebaran kirin
Li hemberî vê berxwedana gerîla, artêşa Tirk a dagirker li pêş çavên cîhanê bi çekên qedexekirî êriş dike.
HPG’ê eşkere kir ku ji 18 heta 20’ê Gulanê li Herêma Şehîd Delîl a Rojavayê Zapê tunelên li Qada Berxwedanê ya Girê FM’ê 21 caran bi gazên kîmyewî, carekê bi dronên bombebarkirî û carekê jî bi teqemeniyên qedexekirî bombekirin.
Tunelên li Qada Berxwedanê ya Girê Amediyê jî bi çekên kîmyewî hatin bombekirin.
18 û 19’ê Gulanê herêma Xakurkê 6 caran, herêma Metînayê qadên berxwedanê 5 caran, herêma Şehîd Delîl a Rojavayê Zapê 3 caran, herêma Zapê carekê, bi giştî 15 caran bi balafirên şer hatin bombekirin.
HPG’ê cerdevanên ku tevlî êrişa dagirkeriyê bûne hişyar kirin
Artêşa Tirk a dagirker ku li pêşberberî berxwedana dîrokî ya gerîla bêencam maye, serî li rêbazên din dide.
Hewl dide cerdevanan di êrîşa dagirkeriyê ya li ser Herêmên Parastinê yên Medyayê de bide pêş.
Dewleta Tirk a dagirker bi vê polîtîkayê dixwaze artêşeke kontra ji cerdevanan ava bike.
Li ser vê, HPG’ê hemû cerdevanan hişyar kir û wiha got:
Hemû cerdevanên ku li Herêmên Parastinê yên Medyayê ne û yên tên jî navê wan li ber destê me hene.
Em hişyariyê didin hemû cerdevanan, ku tevlî operasyonên dagirkeriyê yên li Başûrê Kurdistanê nebin.
Divê cerdevanên ku bi vî rengî bi roleke nexêr radibin, zanibin ku wê rojekê bêne darizandin û bê-hesab nemînin.
