Lubnanê pêvajoya ‘vegera dilxwazî’ a penaberên Sûriyeyê ji nû ve dest pê kir.
Li gorî Komîseriya Penaberan, hejmara Sûriyeyiyan li Lubnanê 800 hezar e.
Li gorî hikumeta Lubnanê jî hejmara wan zêdetirî 2 mîlyonan e an ku sêyeka hejmara gelê Lubnanê.
Bi vî awayî Lubnan dibe welatê ku rêjeya herî zêde ya penaberan li ser xaka xwe li gorî hejmara niştecihên xwe, bi cih dike.
Lubnanê ji nêzî hefteyekê ve pêvajoya (vegera dilxwazî) a penaberên Sûriyeyê ji nû ve dest pê kir.
Di 2 beşên pêşîn de 460 penaber bi hevkariya hikumeta Şamê vegeriyan gundewarê Hums û Qelemûnê.
Hemleyên ewlekarî yên giran ên wezareta hundirîn û şaredariyên Lubnanê ji bo qedexekirina karkirina nerewa ya penaberên Sûriyeyê didomin.
Girêdayî wan hemleyan ewlekariya giştî sazî, şîrket û dikanên ku xwediyên wan penaberên Sûriyeyî ne, girtin.
Karolîn Bezî: Sûriyeyî di navbera penaberî û koçberiyê de ne
Rojnamevan Karolîn Bezî der barê hebûna gelê Sûriyeyê de diyar kir ku li Lubnanê welatiyên Sûriyeyê hem bi awayekî rewa hem jî nerewa hene û got:
“Li gorî Komîseriya Penaberan, hejmara Sûriyeyiyan li Lubnanê 800 hezar e.
Li gorî hikumeta Lubnanê jî hejmara wan zêdetirî 2 mîlyonan e an ku sêyeka hejmara gelê Lubnanê.
Bi vî awayî Lubnan dibe welatê ku rêjeya herî zêde ya penaberan li ser xaka xwe li gorî hejmara niştecihên xwe, bi cih dike.”
Karolîn Bezî: Li Lubnanê kiryarên nijadperestiyê li dijî penaberan tê kirin
Li Lubnanê her demekê li hemberî penaberên Sûriyeyî kiryarên nijadperestî tên kirin.
Der barê wê de Karolîn Bezî diyar kir ku ji destpêka krîza Sûriyeyê ve li hember hebûna penaberên Sûriyeyî li Lubnanê rexne hene.
Ew jî ji ber sedemên mezhebî û demografî ne.”
“Lubnan û Sûriye ji bo çareserkirina krîza panaberiyê di nava hevkariyê de ne”
Karolîn Bezî wiha li gotina xwe zêde kir: “Beşek ji penaberên Sûriyeyê her demekê serdana Sûriyeyê dikin û vedigerin Lubnanê, anku sîfeta penaberiyê nexasim penaberiya siyasî li wan nakeve.
Mayîna wan li Lubnanê jî bi sedemên aborî ve girêdayî ye.
Li vir jî hikumeta Lubnanê li hemberî vê pirsgirêkê berpirs e.”
Karolîn diyar kir ku rewşa penaberên Sûriyeyê li Lubnanê wek a Lubnaniyan e, gelek ji wan jî di kampan de di rewşên zehmet û dijwar de dijîn.
Her wiha zarokên ku li Lubnanê ji dayik bûne jî ji xwendinê bêpar mane û ew hîn nehatine tomarkirin, ji ber ku xwediyên wan bi awayekî nerewa derbasî Lubnanê bûne.
Divê hikumeta Şamê jî bi Lubnanê re hevkar be.
