Buroya Têkiliyên Derve ya Rêveberiya Xweser a Bakur û Rojhilatê Sûrî teqez kir ku helwesta wan ji bo danûstandinê bi Şamê re diyar e û bal kişand ser binpêkirina dewleta Tirk a agirbestê û got, divê Rûsya weke garantor bêhtir tevbigere û rola xwe bilîze.
Rêveberiya Xweser bersîv da îdîayên Rûsyayê:
Helwesta me ya ji bo Danûstandinên bi Şamê re cidî ye
Bûroya Têkîliyên Derve ya Rêveberiya Xweser, li ser gotinên Wezîrê Derve yê Rûsyayê Sergê Lavrov, ku îdîa kiribû Rêveberiya Xweser di danûstandinan de ne cîdî ye daxuyaniyek da.
Di daxuyaniyê de wiha hat gotin:
“Berî demekê Rûsya ragihand ku Rêveberiya Xweser ji bo danûstandinan ne cidî ye.
Ev tişt ne rast e. Me hemû hewldanên xwe ji bo dansûtandinên bi Şamê re kirine û hîna jî em amade ne.
Em her tim jî teqez dikin ku di çarçoveya diyaloga Sûrî-Sûrî de dixebitin.”
Rêveberiyê destnîşan kir ku danûstandinên bi Şamê re pir giring in û got,
“Lê tevî vê helwesta wan ya erênî, hîna aliyê din helwesta xwe zelal nekiriye û meseleyê dirêj dike. Li vir jî em dibînin ku rola Rûsya ya gerantor di diyarkirina vê helwestê de jî giring e.”
Rêvberiya Xweser bal kişand ser binpêkirina agirbestê û lihevkirinên di navbera dewleta Tirk û Rûsyayê de jî û diyar kir ku dewleta Tirk herêmên Til Temir û Eyn Îsa û rêya navdewletî hedef digire.
Rêveberiya Xweser:
Tirkiye agribest binpê kir, divê Rûsya rola xwe bilîze
Rêveberiyê teqez kir ku hêzên wan di çarçoveya parastina rewa de tevdigerin, ji ber Rûsya dizane ku ev herêm di nava lihevkirinên wê û Tirkiyê de ne.
Rêveberiya ji Rûsyayê xwest ku bi rola xwe ve rabe û van êrîşan rawestîne û weha anî ziman:
“Pêwîst e kirinên dewleta Tirk li hemû herêmên Sûrî werin şopandin. Bêdengiya li dijî van kirinan jî piştevaniyeke rasterast ji bo Enqere û çeteyên wê dide nîşandan. “
