Endamên Meclisa Dayikên Aştiyê li Meclisa Tirkiyê tecrîd şermezar kirin û daxwaza azadiya fîzîkî ya rêber Apo kirin.
Hevseroka Giştî ya Partiya Wekhevî û Demokrasiyê ya Gelan (DEM Partî) Tulay Hatîmogûllari jî di Meclisê de axivî û got:Em ê heta dawiyê li pey daxwazên xwe yên azadî û demokrasiyê bin. Em ê mil bidin milê dayikên xwe û têkoşîna xwe bidomînin.
Tecrîda li dijî rêber Apo li her dever û bi her awayî tê şermezarkirin.
Li Bakurê kurdistanê taybet di van demên dawiyê de çalakiyên li dijî tecrîdê zêde bûne.
Bi pêngava “ji rêber Apo re azadî, ji pirsgirêka kurd re çareserî” hem li girtîgeh, hem jî li derveyî girtîgehan çalakiyan dikin.
Vê carê jî Endamên Meclisa Dayikên Aştiyê li Meclisa Tirkiyê tecrîd şermezar kirin û daxwaza azadiya fîzîkî ya rêber Apo kirin.
Dayikan di Meclisê de xwestin armanca girtiyan pêk bê û çalakiya boykotê ya girtiyan bi dawî bibe.
Tulay Hatîmogûllari: Daxwaza sereke ya dayikên me rakirina tecrîdê ye
Hevseroka Giştî ya Partiya Wekhevî û Demokrasiyê ya Gelan (DEM Partî) Tulay Hatîmogûllari li Meclisê di civîna koma partiya xwe de axivî.
Tulay Hatîmogûllari balkişand ser tevlîbûna dayikan û got:
Dayikên me yên Aştiyê li vir in.
Her yek ji wan bi awayek cuda dilê wan şewitî ye û windahiyên wan hene.
Lê belê hemû xwedî êşek hevpar in.
Daxwaza van dayikên me aştî ye.
Tevî hemû êş û xema hatiye serê wan jî dest ji daxwaza xwe ya aştiyê bernadin.
Daxwaza sereke ya dayikên me ew e ku tecrîda li dijî rêber Abdulah Ocalan bê rakirin.
Tulay bi domdarî got, dayikên me ji Wezîrê Dadê daxwaza hevdîtinê kirin.
Belê hevdîtinek pêk hat lê belê Wezîrê Dadê bi qasî serê derziyê ji bo pirsgirêk bên çareserkirin tu çareseriyek pêşniyaz nekir.
“Em ê mil bi mil têkoşîna xwe bidomînin”
Niha li girtîgehan çalakiya bi daxwaza rakirina tecrîdê û çareserkirina pirsgirêka kurd dewam dike.
Dayik li aliyekî piştgiriya vê berxwedanê dikin û li aliyekî jî her hefte tên Enqereyê û diçin ber Wezareta Dadê û li vir daxwazên wan tevahiya Tirkiyê bihîst.
Hevseroka Giştî ya DEM Partî Tulay Hatîmogûllari dawiyê got, em ê serê xwe li ber polîtîkaya Erdogan û desthilatdariya wî netewînin û mil bi mil têkoşîna xwe bidomînin.
Di çalakiya ‘deng bide azadiyê’ de peyama israra têkoşîna li dijî tecrîdê
