Serokomarê Ukraynay û Wezareta Parastinê ya Rûsyayê pevguhertina girtiyan piştrast kirin.
Bi vê yekê re ji despêka şerê navbera aliyan de, bêtirî 3 hezar û 400 sivîl û leşkerên Ukraynayê yên ku ji aliyê Rûsyayê ve dîl hatibûn girtin, hatin berdan.
Bi peymana pevguhertina dawî ya di navbera Rûsya û Ukraynayê de bi tevahî 190 leşkerên dîl pev-hatine guhertin.
Di navbera Rûsya û Ukraynayê de pevguhertina leşkerên dîl hatine girtin, pêk hat.
Li gorî Navenda Hevahengiya Girtiyên Şer ên Ukraynayê, hin ji girtiyên ku roja Çarşemê hatin berdan, zêdetirî du salan girtî bûn.
Ev kesan li Mariupolê di dema êrîşa destpêkê ya Rûsyayê ya li dijî herêma Kîevê de hatin girtin.
Herwiha hat piştrastkirin ku ji destpêka şer û vir ve zêdetirî 3 hezar û 400 kes, ku sivîl jî di nav de hene, ji esareta Rûsyayê hatine rizgarkirin.
Zelenskiy di parvekirina xwe ya li ser servîsa mesajên Telegramê de diyar kir ku peyman careke din bi navbeynkariya Îmarat hatine kirin û Îmarat peywendiyên dostane ligel Moskow û Kîevê didomîne.
Di navbera Rûsya û Ukraynayê de 190 leşker hatin guhertin
Hat ragihandin ku bi peymana pevguhertina dawî ya di navbera Rûsya û Ûkraynayê de bi tevahî 190 leşkerên dîl hatine guhertin.
Ji aliyê din ve Wezareta Parastina Rûsyayê ragihand ku leşkerên Rûsî yên hatine berdan dê ji bo dermankirinê bo paytext Moskowê bên şandin.
Ev pevguhertina girtiyan 54’emîn pevguhertina girtiyan bû ji dema ku Rûsyayê di Sibata 2022’yan de dest bi êrişek berfireh li ser Ukraynayê kir.
Rayedarên welatên şer dikin tenê piştî amadekarî û dîplomasiyeke dûr û dirêj ji bo pevguhertina mirî û dîlên şer tên cem hev.
Ne Ukrayna û ne jî Rûsya eşkere nakin ku bi tevahî çend kesan girtî ne.
NY: Piraniya girtiyên şer rastî êşkenceyên tund tên
Li gorî Neteweyên Yekbûyî piraniya girtiyên şer ên Ukraynayê rastî muameleya tund û sîstematîk tên û heta îşkenceyê jî tê kirin.
Di heman demê de raporên îstîsna yên li ser muameleya xerab li ser leşkerên rûs ên dîl hatine girtin hene.
Rûsya û Ukrayna di meha Çile ya sala borî de bi azadkirina bi sedan girtiyên şer bi carekê de pevguhertina girtiyan a herî mezin di dîrokê de pêk anîn.
Di meha Çile de di navbera aliyên şer de pevguhertina girtiyan a herî berfireh pêk hat û ji her du aliyan bi giştî 470 leşkerên dîl hatin berdan.
