Joe Biden piştî vekişîna namzetiyê xîtabî gel kir.
Joe Biden ê 81 salî destnîşan kir ku ji bo ku partiya xwe ya ‘parçebûyî’ û welat yek bike, ji namzetiya xwe vekişiya û piştgirî da Cîgira Serok Kamala Harris.
Di vê navberê de, namzedê serokatiyê yê Partiya Komarparêz Trump di mîtînga xwe ya hilbijartinê de Harris û Biden kir hedefa xwe.
Biden wekî “serokê herî zirardar” di dîroka Amerîkayê de binav kir.
Serokê Dewletên Yekbûyî yên Emerîkayê Joe Biden ku ji pêşbirka serokatiyê ya ku di meha Mijdarê de bê kirin vekişiya, di axaftina xwe ya ku ji ofîsa xwe ya li Qesra Spî zindî hate weşandin de anî ziman ku ew ji namzetiyê ji bo yekkirina welat û Partiya Demokrat vekişiya ye.
Joe Biden ê 81 salî destnîşan kir ku ji bo ku partiya xwe ya ‘parçebûyî’ û welat yek bike, ji namzetiya xwe vekişiya û piştgirî da Cîgira Serok Kamala Harris.
Biden di axaftina xwe de ev tişt anî ziman:
“Di jiyana giştî de dem û cîhek heye ku ezmûna gelek salan heye.
Di heman demê de dem û cîhek ji bo dengên nû heye, dem û cîhek ji bo dengên ciwan heye, erê, dengên ciwan û ew cih û dem niha ye.”
Biden hilbijartinên serokatiyê yên di meha Mijdarê de weke “xaleke zivirînê” bi nav kir û diyar kir ku tu tişt ji “parastina demokrasiyê”, “armanca kesane jî di nav de” girîngtir nîne.
Joe Biden: Li Amerîkayê ne dîktatoran xelk biryarê didin
Joe Biden got:
“Ez ji xebata ji bo gelê Amerîkayê hêz girt û kêfxweş bûm.
Lê erka parastina yekîtiya me ya pîroz ne li ser min e.
Ya we, malbatên we, pêşeroja we ye.
Tiştê mezin di derbarê Amerîka de ew e ku xelk li vir biryarê didin, ne qral û dîktatoran.”
Biden di axaftina xwe de cîgira xwe Kamala Harris ku ji bo namzediya serokatiyê piştgirî dayê, wekî xwedî tecrube û bi hêz bi nav kir.
Biden piraniya axaftina xwe bal kişand ser “serkeftinên” rêveberiya xwe yên li ser tenduristî, avhewa û aboriyê.
Trump ji bo Kamala: Dînek çepgirek radîkal e
Di vê navberê de, namzedê serokatiyê yê Partiya Komarparêz Trump (TIRAMP)di mîtînga xwe ya hilbijartinê de Harris û Biden kir hedefa xwe.
Biden wekî “serokê herî zirardar” di dîroka Amerîkayê de binav kir.
Trump got:
“Ev sê sal û nîv e, derewkar Kamala Harris li pişt her karesata Biden hêza kişandinê ya ultra-lîberal e.
Harris dînek çepgirek radîkal e ku heke dest bi wezîfeyê bike dê welatê me hilweşîne.”
Kamala Harris: Ji bo siberoja gelê xwe têdikoşim
Harris, ku Trump dest bi hedefgirtinê kir, kampanyaya xwe ya hilbijartinê jî berdewam kir.
Harris li Indianapolîsê axivî û got:
“Em niha ji bo welatê xwe di navbera du dîtinên cuda de bi hilbijartinê re rû bi rû ne.
Yek li ser siberojê, ya din li ser paşerojê ye.
Bi piştgiriya we ez ji bo siberoja gelê xwe têdikoşim.”
