Awustralya, Zelandaya Nû û Kanadayê ji bo agirbesta Xezayê danezana hevpar hat ragihandin.
Di daxuyaniya hevpar de bal hat kişandin ser zêdebûna rageşiya li herêmê û hat gotin: “Şerekî mezin wê encamên wêranker li ser Îsraîl, Lubnan û sivîlên li herêmê çêbibe.”
Awustralya, Zelandaya Nû û Kanadayê ji bo agirbesta Xezayê danezana hevpar hat ragihandin.
Di daxuyaniya hevpar a ku ji aliyê serokwezîrên Awustralya, Kanada û Zelanda Nû ve hat dayîn de, banga “agirbesta lezgîn” li Xezeyê kirin.
Di daxuyaniya hevpar de hat ragihandin ku pêşnûmeya çareseriya du dewletan hatiye destekkirin û hat diyarkirin ku di rêveberiya Xezeyê ya pêşerojê de tu rola Hamasê tuneye.
Di daxuyaniya hevpar de bal hat kişandin ser zêdebûna rageşiya li herêmê û hat gotin:
“Şerekî mezin wê encamên wêranker li ser Îsraîl, Lubnan û sivîlên li herêmê çêbibe.”
Danûstandinên agirbestê
Îsraîl û Hamas herî dawî bi navbeynkariya Dewletên Yekbûyî yên Amerîkayê, Misir û Qeterê nêzî peymana agirbestê bûn.
Serokê Amerîkayê Biden di meha Gulanê de nexşeya rê ya sê qonax “ji bo agirbestek mayînde” di navbera Îsraîl û Hamasê de pêşkêş kir.
Li gor daxuyaniya ku ji ofîsa Serokomarê Misrê Ebdulfetah Sîsî hat dayîn, Serokê Ajansa Îstixbarata Navendî ya Amerîkayê (CIA) William Burns li Qahîreyê bi el-Sîsî re hevdîtin kir û li ser danûstandinan gotûbêj kirin.
Hemas hîn jî ji navbeynkaran dixwaze ku garantî bikin ku danûstandin dê bi agirbestek mayînde bi encam bibe.
Li aliyê din Îsraîl peymana ku şerê bi Hamasê re bi dawî bike weke ku heye red dike.
Niştecihên cihûyên neqanûnî
Di daxuyaniya hevpar de hat diyarkirin ku wargehên ku ji aliyê Îsraîlê ve li ser axa Filistînê hatine avakirin neqanûnî ne û ji bo êrîşên niştecihan ên ku Filistîniyan dikin hedef hat xwestin ku hesab bên xwestin.
Dadgeha Edaletê ya Navneteweyî (ICJ) ku dadgeha herî bilind a Neteweyên Yekbûyî (NY) ye, hefteya borî ragihandibû ku “Niştecihên Îsraîlê yên li Şerîeya Rojava û Qudsa Rojhilat li dijî hiqûqa navneteweyî hatine avakirin û parastin.”
Îsraîlê zêdetirî 100 wargeh li Şerîeya Rojava ava kirine.
Nêzîkî 500 hezar niştecihên cihû li herêmê dijîn.
Li gorî hiqûqa navneteweyî, li Şerîeya Rojava û Qudsa Rojhilatê cihwarên cihûyan neqanûnî tên dîtin.
Hemasê berfirehkirina wargehên li Şerîeya Rojava weke yek ji sedemên êrîşa 7ê Cotmehê ya li ser başûrê Îsraîlê bi nav kir.
