Endamê Konseya Rêveber a KCK’ê Mûstafa Karasû şoreşa Rojava weke şoreşa Rêber Apo binav kir û got:
Her çiqasî paradîgmaya Rêber Apo tam nayê meşandin jî lê bi qasî heyî jî bandor li cîhanê kiriye.
Karasû diyar kir ku eger Esed dijminahiya Kurdan bike, wê Sûrî bi giştî winda bike.
Endamê Konseya Rêveber a KCK’ê Mûstafa Karasû bi vê peyamê rastiya paradîgmaya Rêber Apo ya ji bo Şoreşa Rojava anî ziman.
Mûstafa Karasû di bernameya Taybet a Medya Haber TV ên de rewşa li Bakur-Rojhilatê Sûriyê û israra şefê rejîma Tirkiyê Recep Tayyîp Erdogan a hevdîtina bi Şamê re, nirxand.
Karasû ji bo salvegera 12. a Şoreşa Rojeva wiha got:
Bê guman Şoreşa Rojava şoreşa Rêbertiyê ye. Pêwiste ev yek ji aliyê her kesî ve bê dîtin.
Bê guman li Rojava hîna zîhniyeteke desthilatdar heye, lê paradîgmaya Rêbertî pêşî lê digire.
Civak guheriye, bandorê dike.
Zîhniyeteke nû derdixîne holê. Em vê yekê li Rojava dibînin.
Mûstafa Karasû: Divê xeta têkoşîn û berxwedanê were avakirin
Endamê Konseya Rêveber a KCK’ê hişyariyên Rêber Apo yên ji bo xwe amadekirina şer bibîrxist û ev tişt anî ziman:
Rêbertî got,”Xwe ji bo şer amade bikin.
Her tiştê xwe li gorî şer ava bikin.” Divê ev were kirin. Pêwîste civak ji bo têkoşîneke wiha bê amadekirin.
Şoreşa Rojava ancax bi têkoşîneke ku xwe dispêre civakê, dikare mayînde bibe.
Tenê wê YPG-YPJ’ê û QSD’ê şer neke. Divê xeteke têkoşîn û berxwedanê ya vê derbas dike, avakirin. 12 sal, demeke gelekî dirêj e.
Karasû: Erdogan dixwaze bi Esed re bicive û Hurdan biperçiqîne
Mûstafa Karasû anî ziman ku israra Erdogan ya hevdîtina bi Serokê Hikumeta Şamê Beşar Esed re ji bo perçiqandina Kurda ye û ev tişt anî ziman:
Dixwaze bi Esad re muzakereyê bike, Kurdan biperçiqîne, bi Esad re kurdan tasfiye bike.
Plana wî ev e, armanca wî ya sereke ev e.
Piştî ku li Sûriyê krîz derket Kurdan şerê Sûriyeyê nekir.
Ti carî bi Sûriyê re şer nemeşandine. Xwedî li cihê ku lê ne derketin.
Ji ber ku eger ew bi xwe herêmên xwe kontrol nekiribana wê El Nûsra li her derê serdest bibûya.
Mûstafa Karasû: Eger Şam dijminahiya kurdan bike wê winda bike
Karasû dazanîn ku eger Şam dijminahiya Kurdan bike, wê demê wê winda bike:
Ma Beşar Esed bi dijminatiya ku li Kurdan bike, wê çi bi dest bixe?
Eger dijminatiyê li Kurdan bike, wê çaxê Erdogan digihêje armanca xwe.
Armanca ku bi şer nekarî xwe bigihîne, wê bi vî rengî bigihêje.
Wê li holê Sûriye, hikûmeta Beşar û Baas nemîne. Ev yek zelal e û wisa ye.
Mûstafa Karasû: Dewleta Tirk, dewleteke şantajê ye
Endamê Konseya Rêveber a KCK’ê Mûstafa Karasû ji ber polîtîkayên dimeşîne, dewleta Tirk weke dewleta şantajê binav kir û axaftina xwe wiha bi dawî kir.
Bi rast jî, dewleta Tirk dewleteke şantajê ye.
Ew li dijî Ewropa, Amerîka, Rûsyayê şantajê dike. Li dijî Iraqê, her kes û Ereban şantajê dike.
Lê wê polîtîkaya şantajê rojekê li bin guhê dîwarekî bikeve û wê winda bike.
