Li Venezuellayê hilbijartinên serokkomariyê hate lidarxistin.
Nîcolas Maduro bi rêjeya ji sedî 51,20 cara sêyemîn bi ser dikeve.
Maduro da zanîn ku faşîzma li Venezûelayê winda kiriye û got: “Wan bi sepandinên aborî nekarîn bikin, me êrîş û gefên wan ji holê rakir.”
Li gorî encamên yekem, Nîcolas Maduro bi rêjeya ji sedî 51,20 teqez kir ku di hilbijartina serokomariyê de cara 3’emîn bi ser bikeve.
Namzedê Platforma Yekgirtiya Demokratîk ya muxalefetê Edmundo Gonzalez bi rêjeya ji sedî 44,20 di rêza duyemîn de ye.
Serokê CNE Amoroso diyar kir ku dê di saetên pêş de agahiyên encamên ji bo namzetan bi tabloyên li ser malpera CNE bên weşandin.
Hat diyarkirin ku rêjeya beşdariya li sindoqan ji sedî 59 bû.
Namzedê ku di hilbijartinê de bi ser bikeve dê, di 10’ê Çileya 2025’an de wek serokomarê nû yê welêt sond bixwe.
Maduro piştî encamên hilbijartinê axivî û diyar kir ku ew mirovê aştiyê ye û wiha got:
“Ez bang li partiyên siyasî û nûnerên hemû beşên welêt dikim.
Ji gel û destûra bingehîn re rêz bigirin. Ez amade me bi her kesî re biaxivim.”
Maduro da zanîn ku faşîzma li Venezûelayê winda kiriye û got:
“Wan bi sepandinên aborî nekarîn bikin, me êrîş û gefên wan ji holê rakir.
Wê niha nikaribin bikin û ti carî biser nakevin. Em ê ti carî destûrê nedin wan bi rûmeta gelê Venezuelayê bilîzin.”
Lopez: Pêvajoya hilbijartinê bi awayekî aştiyane bi dawî bû
Her wiha Wezareta Parastina Venezuelayê Vladimir Padrino Lopez anî ziman ku pêvajoya hilbijartinê ji bilî bûyerên biçûk bi aramî qediya.
Lopez spasiya gelê Venezuelayê kir û wiha got:
“Hemû xebatên lojîstîk û hilbijartinê di nav aramî û bêkêmasî de pêk hatin.
Gel jî wek ku bixwaze dengê xwe da. Ji bo vê lihevkirina neteweyî ez spasiya her kesî û hemû saziyan dikim.”
Lopez diyar kir ku gelê Venezûelayê derbasî qonaxeke nû bûye û got:
“Gelê Venezuelayê sepandinên cezayan red kir. Li hemberî pêkanînên neheq li ber xwe da.
Bi rastî jî di hilbijartinên dawî de me aştî û hişmendiyeke wiha ya sivîl nedît.”
