Îsmaîl Heniyê li Tehranê ya paytexta Îranê hat kuştin.
Ji hêla Rûsya, Tirkiyê, Filîstin, Îran, Çîn, Qeterê ve daxuyaniyên şermezarkirina êrîşê hatin dayîn.
Di gelek daxuyaniyên li ser kuştina Heniyê de hat diyarkirin ku dê ew li heremê rageşiyê zêdetir bike.
Hamasê ragihand ku Îsmaîl Heniye di êrîşa li Tehranê ya paytexta Îranê de hatiye kuştin.
Di daxuyanîya ku ji aliyê Hamasê ve hat dayîn de hat diyarkirin ku Haniye li gorî saeta herêmî di 02.00’an de di encama êrîşa Îsraîlê ya li dijî mala wî ya li Tehranê de hatiye armanckirin.
Hat diyarkirin ku mala ku Haniye lê dima, bi moşeka rêveber hatiye xistin.
Îsmaîl Heniye li Tehranê hat kuştin
Îsmaîl Heniye duh li Tehranê beşdarî merasima sondxwarina Serokê nû yê Îranê Mesûd Pezeşkiyan bû.
Ji bilî Pezeşkiyan, Haniye bi lîderê olî yê Îranê Ayetullah Elî Xamineyî re jî hevdîtin pêk anî.
Serokomarê Îranê Mesûd Pezekşiyan ku duh di merasima sondxwarinê de bi Haniyeyê ra hat cem hev û wiha got:
“Îran dê yekparebûna axa xwe, îtîbar û şerefa xwe biparêze û dagirkerên terorîst ji vê kiryara xwe ya tirsonek poşman bike.”
Ebû Zuhrî: Îsraîl wê nikaribe armancên xwe pêk bîne
Rayedarê Hamasê Samî Ebû Zuhrî ji ajansa Reutersê re axivî û diyar kir ku kuştina Haniye li Îranê tê wateya zêdebûna tundiya li herêmê.
Ebû Zuhrî got:
“Îsraîl wê nikaribe armancên xwe pêk bîne. Wê nikaribe vîna berxwedanê ya Hamasê bişkîne.
Mehmud Ebbas: Kuştina Heniye kiryareke tirsonek e
Serokê Rêveberiya Filistînê Mahmûd Abbas kuştina Haniye wek “kiryareke tirsonek” bi nav kir.
Abbas di şermezarkirina suîkastê de bang li gelê Filistînê kir ku li dijî Îsraîlê bi hev re tevbigerin.
Ebû Merzûk: Ev kiryara tirsonek bê bersiv nemîne
Ji rayedarên payebilind ên Hamasê Mûsa Ebû Merzûk jî diyar kir ku piştî kuştinê ew ê bersiva Îsraîlê bidin.
Ebû Merzûk ji Televîzyona El-Eqsa ya Hamasê re axivî û got:
“Ev kiryara tirsonek wê bê bersiv nemîne.”
Tirkiyê, Rûsya, Çîn û Qeter êrîşê şermezar kirin
Li aliyê din ji hêla Tirkiyê, Rûsya, Çîn û Qeterê daxuyaniyên şermezarkirinê hatin.
Wezareta Karên Derve ya Tirkiyê diyar kir ku armanca vê êrîşê ew e ku şerê li Xezayê bigihîne asta heremî.
Tirkiyê: Armanca vê êrîşê şerê li Xezayê bigihîne asta heremî
Rûsyayê jî ragihand ku ew êrîş şermezar dikin.
Wezareta Karên Derve ya Rûsyayê kuştina Haniye weke “kuştina siyasî ya nayê qebûlkirin” bi nav kir.
Rûsya: Kuştina Heniye wê li heremê rageşiyê zêde bike
Alîkarê Wezîrê Karên Derve yê Rûsyayê Mîkaîl Bogdanov diyar kir ku kuştina Heniye wê li herêmê rageşiyê zêde bike.
Çîn: Ev bûyer dikare bê îstiqrariya heremê zêdetir bike
Wezareta Karên Derve ya Qeterê jî bi daxuyaniyeke nivîskî diyar kir ku kuştina Haniye bi tundî şermezar dikin.
Wezaretê tekez kir ku kuştina Haniye tundiyeke metirsîdar e.
