Li Hindistanê ji ber şemîtîna axê bîlançoya miriyan zêde dibin.
Rayedaran diyar kirin ku hejmara kesên di şemîtina axê de jiyana xwe ji dest dane derket 148’an.
Li aliyê din Çînê jî lehî rabû û rayedaran diyar kirin ku li eyaletê 95 hezar kes hatine tehliyekirin.
Her wiha rayedarên Çînê diyar kirin ku 49 hezar û 800 kes hewcedarê alîkariya lezgîn in.
Li gor nûçeya Hindustan Times, rayedarên eyaleta Kera-layê der barê şimitîna ku duh li herêma Wayanadê pêk hat de daxuyanî dan.
Rayedaran diyar kirin ku hejmara kesên di şemîtina axê de jiyana xwe ji dest dane derket 148’an.
Rayedaran diyar kirin ku nêzî 600 personelên artêşa Hindistanê beşdarî xebatên lêgerîn û xilaskirinê bûne.
Rayedarên eyaleta Kerala ya ku şîn hat îlankirin daxuyand ku lêgerîna bi sedan kesên winda dewam dike û ji ber barana zêde dê îro saziyên perwerdeyê yên li herêmê bên girtin.
Ji ber şemîtina axê hejmara miriyan derket 148 kesan
Her wiha Serokê Partiya Kongreya Neteweyî ya Hindistanê Mallikarjun Kharge ( MALÎKARJUN KARGE) jî şimitîna axê ya li Wayanadê wekî “karesateke neteweyî” bi nav kir.
Serokwezîrê Hindistanê Narendra Modi li ser hesabê xwe yê X nivîsî:
“Duayên min ji birîndaran û hemû kesên ku hezkiriyên xwe winda kirine re ye.”
Li Çînê lehî rabû
Li aliyê din li gorî ajansa Şînhua, rayedaran di daxuyaniya xwe de diyar kirin ku li parêzgeha Hunan 1,15 milyon kes ji ber barana zêde ya ku ji ber bahoza Gaemî pêk hatiye bandor bûne.
Rayedaran diyar kirin ku ji ber lehiya baranê nêzî 859 milyon dolar zirar dîtiye.
Rayedaran diyar kirin ku li eyaletê 95 hezar kes hatine tehliyekirin û diyar kirin ku 49 hezar û 800 kes hewcedarê alîkariya lezgîn in.
Ji aliyê din ve hat destnîşankirin ku li herêmên Zişing û Huarong ên Hunan ji ber lehiyê di asta 1’emîn de hişyarî hat dayîn.
Li Çînê ji ber lehiyê 95 hezar kes hatin tehliyekirin
Midûriyeta Meteorolojiyê ya Hunanê ragihand ku ji bo 2 rojan li bakurê rojavayê parêzgehê baraneke zêde bibare û ji rayedaran şîret kir ku di vî warî de tedbîran bigirin.
Duh di lehiya ku ji ber barana zêde ya li eyaletê derket de 7 kesan jiyana xwe ji dest dan.
Di dema ku zêdeyî 5 hezar û 400 personelên rizgarkirinê sewqî herêmê hatin kirin, ji ber fikara ewlehiyê dest bi tehliyeyê kirin.
Li herêmên bakur û rojava yên paytext Pekînê ji ber barana zêde hişyarî hat dayîn.
