Îsraîl êrîşî Beyrûtê kir û herî kêm 2 kes mirin û gelek kes jî birîndar bûn.
Îsraîl îdda kir ku di vê êrîşê de yek ji fermandarên payebilind ên Hizbullahê Fuad Şukrî hatiye kuştin.
Lê ji hêla Hizbullahê ve îddaya Îsraîlê nehat piştrastkirin û hat gotin ku Fuad Şukrî sax e.
Li aliyê din Libnan ji ber êrîşa Îsraîlê dê giliyê Neteweyên Yekbûyî bike.
Îsraîlê li Beyrûta paytexta Lubnanê êrîşa hewayî pêk anî.
Di êrîşê de yek ji fermandarên payebilind ên Hizbullahê Fuad Şukru bû hedef.
Artêşa Îsraîlê îdia kir ku wan Fuad Şukru kuştiye.
Îsraîl: Ji fermandarên Hizbullahê Fuad Şukrî hat kuştin
Ev îdia ji aliyê çavkaniyên Hîzbullahê ve nehat piştrastkirin.
Di êrîşa danê êvarê ya li taxa Dahiye ya li başûrê Beyrûtê de herî kêm 2 kes mir û gelek kes jî birîndar bûn.
Li herêmê piştî êrîşê gelek avahî xisar dîtin.
Medyaya Libnanî ragihand ku êrîş li nêzîkî taxa ku Encûmena Şûra ya Hizbullah lê ye hatiye kirin.
Hizbullah îdiayê Îsraîlê derewand: Fuad Şukrî sax e
Artêşa Îsraîlê ragihand ku piştî îstixbaratên ku hatine bidestxistin Şukru di êrîşa bi balafirên şer de bûye armanc.
Çavkaniyên nêzî Hizbullahê ji ajansên Reuters û AFP’ê re axivîn û diyar kirin ku Fuad Şukru sax e.
Fûad Şukrî wek “destê rastê” lîderê Hîzbullahê Hesen Nasrallah tê naskirin.
Libnan ji ber êrîşê dê giliyê Neteweyên Yekbûyî bike
Şukûr ku yek ji şêwirmendên Nasrallah e, di nav damezrînerên Hîzbullahê de cih digire.
Serokwezîrê Lubnanê Necîb Mîkatî “Êrîşa eşkere ya Îsraîlê ya li dijî Beyrûtê” rexne kir.
Libnan ji ber êrîşê dê giliyê Neteweyên Yekbûyî bike.
Êrîşa li girên Golanê alozî zêde kir
Îsraîlê Hîzbûllah ji êrîşa roja Şemiyê ya li Girên Golanê, ku tê de zarok û 12 ciwanên ji Durzî mirin, berpirsyar dît.
Li gorî Îsraîl, Hizbullahê bi rokêteke Îranê ku ji Lubnanê hatiye avêtin, êrîş pêk aniye û Fuad Şukru rasterast di êrîşê de rola xwe lîstiye.
Hizbullah a ku Amerîkayê jî sûcdar kir, ragihand ku ew êrîş organîze nekiriye.
Êrîşa li ser bilindahiyên Golanê li ser sînorê Îsraîl û Lubnanê ji Cotmeha 2023’yan vir ve êrîşa herî kujer bû.
Hagarî: Artêşa Îsraîlê ji her senaryoyê re amade ye
Berdevkê artêşa Îsraîlî Daniel Hagarî di daxuyaniyekî de got:
“Êrîşên hovane yên domdar ên Hizbullahê gelê Libnanê û tevahiya Rojhilata Navîn dixe nav aloziyên berfirehtir.
Tevî ku em tercîh dikin ku şer bêyî şerekî berfireh çareser bikin, artêşa Îsraîlê ji her senaryoyê re bi tevahî amade ye.”
Bertekên li ser êrîşa girên Golanê
Wezîrê Parastinê yê Îsraîlê Yoav Gallant piştî êrîşê di parvekirina xwe ya medyaya civakî de got:
“Hizbullah xeta sor derbas kir”.
Di daxuyaniya ewil a piştî êrîşê de ji aliyê Amerîkayê ve hat gotin ku “Mafê Îsraîlê ye ku xwe biparêze” lê her wiha hat destnîşankirin ku Washington naxwaze rageşiya li herêmê zêde bibe.
Li aliyê din Rûsyayê ev êrîş weke “binpêkirina eşkere ya hiqûqa navneteweyî” nirxand.
