Endamê Komîteya Rêveber a PKK’ê Dûran Kalkan diyar kir ku Kî rabe hewl bide heremên gerîla dagir bike, bêyî destûra gerîla bikeve van deran, em ê li hember şer bikin û got: “Yê ku dagirkeriyê ferz dikin emê hesab ji van bixwazin.
Em ê li dijî wan li ber xwe bidin, Bila her kes hesabê xwe rast bike.”
Endamê Komîteya Rêveber a PKK’ê Dûran Kalkan têkildarî tecrîda li Îmraliyê û şerê li kurdistanê nirxandin kir.
Dûran Kalkan berxwedana dîrokî ya li Îmraliyê û Rêber Apo slav kir û got:
“Têkoşîn, sîstema Îmraliyê ya êşkence, tecrîd û qirkirinê û her wiha bêhiqûqî û bêexlaqiya li wir tehşîr dike û dixe tengiyê. Kesên berpirsyar dixe nava zehmetiyek mezin. Di vî alî de pêwîst e têkoşîn were domandin, pêwîst e were geşkirin.”
Dûran Kalkan: Kî êrîşî me bike, wê bersiva êrîşan were dayîn
Dûran Kalkan li ser şerê li kurdistanê jî nirxandin kir û got:
“Tê gotin li Heremên Parastina yên Medya çeteyan tînin deverên dagirkirî, ji vir û wir cerdevanan tînin. Kî êrîş bike, wê li dijî wan şer were kirin. Niha bila her kes bizane. Bila piştre ti kes nebêje me nebihîst. Kî dibe bila bibe, ti hêz bikevê bila bikevê daxuyaniya me di Îlona 2002’yan de kirî, ji bo îro jî ji bo sibe jî derbasdar e.”
Dûran Kalkan: Kî rabe heremên gerîla dagir bike, emê li hemberî wan şer bikin
Endamê Komîteya Rêveber a PKK’ê diyar kir ku yê bê destura gerila têkeve herêmên gerîla wê li dijî wan şer were kirin û bi wan gotinan anî ziman:
“Kî rabe hewl bide van deveran dagir bike, bêyî destûra gerîla bikeve van deran, em ê li hember şer bikin. Em ê li dijî wan li ber xwe bidin, şer bikin û hesab bixwazin. Bila her kes hesabê xwe rast bike.”
Dûran Kalkan: Di navbera Tirkiye, PDK û Iraqê de odeya hevpar ya dagirkeriyê heye
Kalkan anî ziman ku dewleta Tirk, PDK’e û Iraq odeya hevpar ya operasyona dagirkeriyê ne û got:
“Niha hin kes dibêjin ku PDK piştgirî dide, nizanim dewleta Iraqê çavê xwe digire… Piştgirî û çavgirtin nîne, odeya operasyona hevpar heye. Şerê PKK û PDK’ê nîne, Hevkarî heye, xiyanet heye.”
Dûran Kalkan: Divê her kes beşdarî têkoşîna li dijî hevkarî û xiyanetê tê meşandin bibin
Dûran Kalkan li dijî hevkarî û xiyanetê bang têkoşînê kir û wiha bi dawî kir:
“PKK li dijî hevkarî û xiyanetê şer dike. Maskeyê hevkarî û xiyanetê herî zêde îro hatiye xistin.
Em bang li her kesê ku ji xwe re dibêje welatparêz dikin ku bila vê rastiyê bibînin û beşdarî têkoşîna li dijî hevkarî û xiyanetê tê meşandin, bibin.”
