Li Sûdanê ji ber şerê domdar rewşa mirovî girantir dibe.
Koçberî, birçîbûn, destdirêjî heta lehiyê ku li heremê bandor dibe jiyanê têk dibe.
Li ser rewşa dawî ya Sûdanê Rêxistina Koçê ya Navneteweyî daxuyaniyek parve kir û got: “Li gorî texmînan 25,6 mîlyon mirov bi bêewlehiya xwarinê ya tund re rû bi rû bimînin ji ber ku pevçûn di sê mehên pêş de belav dibe”
Rêxistina Koçê ya Navneteweyî-IOM li ser rewşa mirovî ya Sûdanê daxuyaniyek nivîskî parve kir.
Rêxistina Koçê ya Navneteweyî bal kişand li ser birçîbûn, koçberî û zehmetiyên ku bi mîlyonan kesên ku ji ber pevçûnên tund jiyan dikin.
Di daxuyaniyê de hat diyarkirin ku li Kampa Zemzem a Penaberan a li Feşîra navenda eyaleta Darfura Bakur ku nîv milyon koçber lê dihewîne kêmasiyeke cidî ya xwarinê heye.
Her wiha hat diyarkirin ku hemû kesên ji cih û warên xwe bûne li seranserî Sûdanê kêmxwarinê ya cidî dijîn.
Li aliyê din bal hat kişandin lehiyên ku li heremê rû dide.
LOM: Rewşa mirovî li Sudanê gihîştiye xaleke trajîk
Li 11 ji 18 eyaletên Sûdanê zêdeyî 20 hezar kes ji cih û warên xwe bûn û pirsgirêkên binesaziyê yên ku ji ber lehiyê derketine, di belavkirina alîkariyan de asteng kirin.
Di daxuyaniya Rêxistina Koçê ya Navneteweyî de wiha hat gotin:
“Li gorî texmînan 25,6 mîlyon mirov bi bê wlehiya xwarinê ya tund re rû bi rû bimînin ji ber ku pevçûn di sê mehên pêş de belav dibe”
Rêveberê Herêmî yê Rojhilata Navîn û Afrîkaya Bakur yê Rêxistina Koçê ya Navneteweyî Osman Belbeîsî got:
“Guman nîne ku eger pevçûn û astengiyên li ser gihandina alîkariya mirovî bidomin, ev şert û mercan hîn xerabtir bibin.
Rewşa mirovahî gihîştiye nuqteyek şikestî, xalek felaket û trajîk.”
Şerê navxweyî li Sudanê
Şerê desthilatdariyê di navbera artêş û Hêzên Piştgiriya Bilez de 16 meh in dewam dike.
Di şerê ku di nîvê Nîsana 2023’yan de dest pê kir û li piraniya eyaletên Sûdanê dewam dike, artêş li dewletên bakur û rojhilat serdestiya xwe diparêze, li eyaletên rojava û başûr jî Hêzên Piştgiriya bi bandor xuya dike.
Hevdîtinên Ciddeyê yên bi navbeynkariya Erebistana Siûdî û Amerîkayê ku ji bo bidawîkirina şer hatin destpêkirin, bê encam man.
Li gorî Neteweyên Yekbûyî, ji ber şer û pevçûnên li Sûdanê, zêdetirî 18 hezar û 800 kesan mirin û nêzîkî 10 milyon kes koçber bûne û zêdetirî 25 milyon kes hewcedarê alîkariyên mirovî ne.
