Serokkomarê dewleta Tirk a dagirker Receb Teyib Erdogan li ser planên xwe yên guhertina demografiya herêmên Bakur û Rojhilatê Sûrî li xwe mikur hat û diyar kir ku wî li Serê Kaniyê û Girê Spî wî dest bi bicihkirina milyonek kesan kiriye.
Ji bo pêkanîna plana guhertina demografiya herêmê jî Erdogan li Bakurê Sûrî behsa avakirina herêmên nû kir.
Armancên ”Herêma Ewle ” ya ku dewleta Tirk a dagirker behsa wê dike, roj bi roj eşker dibin.
Piştî kuştin, revandin, talankirin û koçberkirina şêniyên resen ên herêmên Serê Kaniyê û Girê Spî, Erdogan niha dest bi guhertina demografiya van herêman kiriye.
Serokkomarê Tirk Erdogan li pêşiya wezîrên kar û barên civakî yên Rêxistina Hevkariya Îslamî de axivî û eşkere kir ku plana guhertina demografiya herêmê xistiye dewre.
Erdogan got:
“Enqereyê dest bi xebata bicihkirina milyoneke şêniyan li bajarên Girê Spî û Serê Kaniyê yên li Bakurê Sûriyê kiriye.”
Plana dewleta Tirk a guhertina demografîk
Erdogan: Em ê li Girê Spî û Serê Kaniyê herêmên nû ava bikin
Ji bo pêkanîna plana guhertina demografiya herêmê jî, Erdogan destnîşan kir ku ew ê li Bakûrê Suriyê li herêmên ku dagir kirine herêmên bicihkirinê yên nû ava bikin.
Navenda Çavdêriya Mafên Mirovan a Sûriyê jî beriya çend rojan piştrast kiribû ku dewleta Tirk li herêmên ku dagir kirine dest bi guhartina demografiyê kiriye.
Navendê dabû xuyakirin ku hejmareke mezin ji şêniyan ber bi bajarê Girê Spî ve tên veguhestin.
Jixwe dewleta Qetarê jî destekek xurt dabû plana guhertina demografiyê ya Erdogan.
Plana dewleta Tirk a guhertina demografîk
Bi desteka qeter Erdogan herêmên nû li babê ava kirin
Erdogan jî di serdana xwe ya dawî ya Qeterê re, tekez kir ku Qeter piştgiriyê dide planên wî yên guhertina demografiya Bakurê Sûrî.
Nemaze ku mîna van planan beriya niha bi desteka Qeterê li herêmên weke Efrîn û Babê pêk hatibûn.
Ev tevgera dewleta Tirk beriya civînên gera 14’emîn a Astanayê ya ku dewleta Tirk ji bo guhartina demografiya herêmên Sûriyê bi kar aniye, pêk hat.
