Li Şerîda Xezayê di roja 342 rojan de jî êrîşên Îsraîlê berdewam kir.
Di 24 saetên dawî de 34 kes li Şerîda Xezayê hatin kuştin.
Her wiha artêşa Îsraîlê bi hinceta çekdarên Hemasê lê ne, dibistana ku koçberê lê diman bombebaran kir û di encamê de 18 kes mirin.
Artêşa Îsraîlê li gelek heremên Şerîda Xezayê êrîş pêk anîn.
Hat diyarkirin di 24 saetên dawî de 34 kes mirin û 96 kes jî birîndar bûn.
Di 24 saetên dawî de 34 kes hatin kuştin
Li gor vê yekê hejmara giştî ya miriyan derket 41 hezar û 118’an û ya birîndaran jî derket 95 hezar û 125’an.
Di daxuyaniya Wezareta Tenduristiyê ya Filîstinê de hat duberekirin ku hîna di bin kavilan de mirî hene, lê ji ber astengiya hêzên Îsraîlê tîmên tenduristiyê û rayedarên parastina sivîl nikarin xwe bighînin cenazeyan.
Îsraîl êrîşî dibistana ku koçber lê diman bombebaran kir
Her wiha Parastina Sivîl a Xezayê, roja Çarşemê ragihand ku Îsraîlê bi hinceta çekdarên Hamasê li dijî dibistana ku koçber xwe lê ragirtine êrîşa hewayî pêk aniye.
Berdevkê Parastina Sivîl Mahmûd Basal, diyar kir ku di encama êrîşê de du xebatkarên UNRWA jî di nav de 18 kes mirine û herî kêm 18 kes jî birîndar bûne.
Sekreterê Giştî yê Neteweyên Yekbûyî Antonîo Guterres jî piştrast kir ku xebatkarên UNRWA li cihê bûyerê mirine û ragihand ku hejmara miriyên saziyê 6 kes in.
Di bombebarana dibistanê de 18 kes mirin
Guterres got:
“Dibistaneke ku ji bo 12 hezar kesî veguherîbû stargehê, îro dîsa bû hedefa êrîşên Îsraîlê. Di nava miriyan de 6 hempîşeyên me yên ji UNRWA’yê ne.”
Tiştên îro li Xezeyê tên jiyîn teqez nayên qebûlkirin”
Antonio Guterres êrîşa Îsraîlê şermezar kir
Guterres destnîşan kir ku divê ev binpêkirinên dramatîk ên li dijî hiqûqa mirovî ya navneteweyî tavilê bên sekinandin.
UNRWA jî got:
“Di vê êrîşê de hejmara herî zêde a xebatkarên me hatin kuştin.”
Unrwa: Di vê êrîşê de herî zêde xebatkarên me hatin kuştin
Artêşa Îsraîlê jî ragihand ku hêzên hewayî li dijî dibistana El-Cunî “êrîşeke hesas li dijî çekdarên ku di navenda fermandariya Hemasê de dixebitin” pêk anî.
Servîsên çapemeniyê yên hikûmeta Hamasê ya li Şerîda Xezeyê, diyar kirin ku dibistana ji aliyê UNRWA ve tê birêvebirin, bi qasî 5 hezar mirovên koçber xwe lê ragirtibûn.
Di êrîşa kampa penaberan a Cîbaliyê de 5 kes mirin
Di êrîşên li ser Taxa Cibaliya û Zeytûnê de herî kêm 5 kes mirin.
Li gorî nûçeya ajansa fermî ya Filistînê WAFA, di encama lêdana hêzên Îsraîlê li maleke 3 kes mirin.
Di êrîşa artêşa Îsraîlê ya li ser Taxa Zeytûnê ya li başûrê Xezayê de 2 kes mirin û gelek kes jî birîndar bûn.
Her wiha di êrîşên hewayî yên artêşa Îsraîlê de li bakurê kampa El Bureyc a li navenda Şerîda Xezayê gelek xanî hilweşiyan.
Li Wargeha Penaberan a Nuseyratê ji aliyê balafirên şer ve malek hat xistin.
