Çeteyên DAIŞ’ê bi sûc û êrişên xwe li çolistana Sûriyê xwebûna xwe berfirehtir dike.
Çeteyên DAIŞ’ê li Humisê êrişên hêzên hikumta Şamê kirin, di encamê de efserekî Şamê hate kuştin.
Li Idlibê jî mayînek ji bermahiyên şer bi malekê teqiya.
Li wir jî 2 kesan jiyana xwe ji dest dan, 2 jî birîndar bûn.
Çeteyên DAIŞ’ê li çolistana Sûriyê êrişên xwe zêdetir kiriye.
Navenda Çavdêriya Mafê Mirovana Sûriyê ragihand ku çeteyên DAIŞ’ê li çolistana Humsê êrişî hêzên hikumeta Şamê kirin.
Di navbera her du aliyan şerekî giran derket.
Hat ragihandin di encamê de, efserekî hikumeta Şamê hate kuştin.
Hat diyarkirin paşê êrişkar ber bi çolistanê ve reviyan.
Hem wextî vê balafirên şer yên Rûsyayê li çolistanê cihên çeteyan bombebaran kirin.
Li gorî daneyên çavdêriya Sûriyê, ji serê salê û vir ve li çolistana Sûriyê 529 kes hatine kuştin.
Ji wan 445 leşkerên û aligirên hikumeta Şamê, 55 sivîl û 29 çeteyên DAIŞ’ê ne.
Girtiyekî di zindanên hikumeta Şamê de jiyana xwe ji dest da
Li aliyekî din, girtiyên di zindanên hikumeta Şamê rastî êşkenceyeke mezin tên.
Çavdêriya Sûriyê da zanîn ku welatiyek ji Idlibê di girtîgehên hikumeta Şamê jiyana xwe ji dest da.
Ev kes 12 sal in ji aliyê hikumeta Şamê ve girtîbû û heta niha nehatibû daddgehkirin.
Hikumeta Şamê di nava van salan de nehişt ku ne malbat û ne jî parêzer hevdîtinê bi muekilê xwe bikin.
Çavdêriya Sûriyê eşkere kir ku ji destpêka salê û vir ve 45 kes di girtîgehên hikumeta Şamê dimirin.
Li Idlibê di teqîna mayînekê de 2 kesan jiyana xwe ji dest dan
Hemwextî van, li gelek herêmên Sûriyê bi teybet herêmên ku şer lê hene ango şer lê derket heta niha ji bermahiyên şer xilas nebûne.
Navenda Çavdêriya Mafê Mirovan a Sûriyê ragihand ku li Idlibê mayînek ji bermahiyên şer bi sivîlan de teqiya.
Hat eşkere kirin ku di encamê de 2 kesan jiyana xwe ji dest dan, 2 jî birîndar bûn.
