Rojnameya Siûdî ya bi navê Okaz bal kişand ser plannên dewleta Tirk a dagirker ên guhertina demografiya herêmên Bakur û Rojhialtê Sûrî û tekez kir ku mîna Efrînê, Tirkiyê niha bi plan demografiya Serê Kaniyê û Girê Spî diguhere.
Rojnameyê got:
Bichkirina Tirkiye milyon kesî li Serê Kaniyê û Girê Spî, planeke ne ji rêzê ye û Tirkiye bi vê yekê wê gelek armancan pêk bîne.
Beriya çend rojan Serokkomarê Tirkiyê Receb Teyb Erdogan plana xwe ya guhertina demografiya herêmên ku dagir kirine eşkere kir û da zanîn ku ew ê milyon kesî li Serê Kaniyê û Girê Spî bich bike.
Ev plana Erdogan bû rojeva çapemeniyê.
Rojnameya Okaz a Siûdî diyar kir ku plana Erdogan a bichkirina milyon kesî li Serê Kaniyê û Girê Spî, planeke ne ji rêzê ye û wê Erdogan bi vê planê re gelek armancan pêk bîne.
Plana dewleta Tirk a guhertina demografîk
Rojnameya Okaz: Mîna Efrînê, Tirkiye demografiya Serê Kanî û Girê Spî diguherîne
Rojnameyê rewşa Efrînê weke mînak nîşan da û got:
Plana Tirkiye ya guhertina demografiya herêmên li Bakurê Sûrî bizanebûn tê meşandin, mînaka wê jî Efrîn e.
Tirkiye dixwaze jîngeheke nû li Bakurê Sûrî ava bike, ew jî bi riya guhertina herêmê ji aliyê Siyasî, Civakî û Dîrokî ve ye.
Rojnameyê armancên Erdogan ên li pey vê planê jî eşker kir û da zanîn ku bi dagirkirina Serê Kaniyê û Girê Spî re derdora 500 hezar şêniyên resen koçber bûn, dewleta tirk li şûna wan kesên din bi cih kir.
Bi vê yekê wê ji Ewropayê re bide xuyakirin ku ew penaberên Sûrî vedigerîne warên wan, her wiha di milê aborî de jî ji bo lêçûna li ser penaberan û avakirina herêmên nû wê pereyan ji Ewropayê bixwaze.
Plana dewleta Tirk a guhertina demografîk
Mazlûm Ebdî: Rûsya û Emerîka berpirsên guhertina demografiya herêmê ne
Beriya niha bi çend rojan Fermandarê Giştî yê Hêzên Sûriya Demokratîk QSD Mazlûm Ebdî bi tiwîttekê diyar kir ku plana Erdogan a bichkirina milyon kesî li Serê Kaniyê û Girê Spî planeke xeter e.
Ebdî destnîşan kir ku Rûsya û DYE berpirsên guhertina demografiya herêmên ku ji aliyê dewleta Tirk ve hatine dagirkirin û bang li wan kir ku erka xwe bich bînin.
