Şerê ku niha dibe ku bibe mezintirîn şer li Rojhilata Navîn bûye rojeva cîhanê.
Berdevkê Kremlînê Dmitriy Peskov li ser êrîşên Îsraîlê yên li ser Lubnanê ji rojnamevanan re nirxandinan kir.
Peskov got: ”niha ihtîmala çareseriyê” zehmet e, dibe ku ev rewşê hîn xeternaktir dike.”
Êrîş û pevçûnên di navbera Îsraîl û Hizbullah de metirsiya şerê berfireh li Rojhilata Navîn bi xwe re tîne.
Berdevkê Kremlînê Dmitriy Peskov li ser êrîşên Îsraîlê yên li ser Lubnanê û rewşa Rojhilata Navîn ji rojnamevanan re nirxandinan kir.
Peskov diyar kir ku niha li Rojhilata Navîn “li ser îxtîmala çareseriyê” zehmet e ku were axaftin û wiha got:
“Çareserî di yekdestdariya welatekî de ye.”
Peskov got:
“Rêya aştiyê di destê yek ji welatan de ye û heta niha tu serkeftin çênebûye.
Em niha nikarin tu îxtîmalan destnîşan bikin. Dibe ku ev rewşê hîn xeternaktir dike.”
Peskov: Rageşiya Îsraîl û Hizbullahê pir metirsîdar e
Peskov bilindbûna rageşiya di navbera Îsraîl û Lubnanê de weke “bi îxtîmaleke pir metirsîdar” bi nav kir û anî ziman ku berfirehbûna şer dê bibe sedema bêîstiqrara giştî ya herêmê.
Peskov got: “Bêguman ev ji bo me rewşeke pir bi fikar e.”
Peskov der barê daxuyaniya Serokomarê Ukraynayê Volodymyr Zelenskiy ya ku di hevpeyvîna xwe ya bi kanaleke televizyonê da gotibû, dawiya pevçûnê ji ya ku gelek kes difikirin nêzîktir e, Peskov wiha got:
“Her şer bi vî awayî bi aşitiyê diqede. Bi tevahî alternatîfek ku em bigihîjin tune ye.
Armancên me ev in: “Dema ku bi vî awayî pêk hat, wê operasyona leşkerî ya taybet biqede.”
Yekîtiya Ewropayê: Em li ber şerekî berfireh in
Nûnerê Bilind ê Karûbarên Derve û Polîtîkayên Ewlekariyê yê Yekîtiya Ewropayê Josep Borrell derbarê êrîşên li ser Lubnanê hişyarî da.
Josep Borell diyar kir ku şer û pevçûnên tund ên di navbera Îsraîl û Hizbullah a Lubnanê de metirsiya kişandina tevahiya Rojhilata Navîn dixe nava şerekî berfireh.
Borrell di daxuyaniya xwe de wiha got:
“Ez dikarim bibêjim ku em hema hema li ber şerekî berfireh in.”
Borrell banga xwe dubare kir ku divê li ser Xeta Şîn a di navbera Îsraîl û Lubnanê de agirbest were danîn.
Borrel: Ji bo rawestandina şer divê bikevin tevgerê
Borrell destnîşan kir ku hewldanên dîplomatîk heta niha ji bo rawestandina şerê li Xezeyê bi ser neketiye û got:
“Niha dem dema ku divê tiştek bê kirin.
Divê her kes tişta ji destên wan tê bikin da ku bûyerên diqewimin rawestînin.”
