Di derbarê şer de Israîlê daxuyanek da û tê de hate destnîşankirin ku depoyên çekan, navendên fermandariyê û binesaziya leşkerî ya Hîzbullahê yên li başûrê Lubnanê û herêma Bekaayê hatin hedefgirtin.
Her wiha li gor nûçeya ajanseke fermî ya Îranê, di encama hilweşîna malekê de nûçegihanê kanala nûçeyan a El-Meyadîn Hadî Es-Seyîdî jiyana xwe ji dest da.
Artêşa Îsraîlê ragihand ku wan dîsa dest bi êrîşa li başûrê Lubnanê kiriye.
Di daxuyaniya ku ji aliyê Berdevkê Artêşa Îsraîlê ve hat dayîn de hat ragihandin ku piştî êrîşa duh li Lubnanê li nêzî hezar û 300 êrîşî hedefan hat kirin.
Îro balafirên şer cihên ku tê îddîakirin girêdayî Hizbullahê ne bombebaran kirin.
Di daxuyaniyê de hat destnîşankirin ku depoyên çekan, navendên fermandariyê û binesaziya leşkerî ya Hîzbullahê yên li başûrê Lubnanê û herêma Bekaayê hatin hedefgirtin.
Îsraîlê bi dehan hedefên Hizbullahê yên li Başûrê Lubnanê xistin
Artêşa Îsraîlê di daxuyaniyê de wiha got:
“Di dirêjahiya şevê de, hêzên hewayî yên Îsraîlê li hin heremên başûrê Lubnanê bi dehan hedefên Hizbullahê xistin.”
Di daxuyaniyê de hate gotin ku top û tankan li herêmên Ayt El Şeab û Ramiyê jî hedefên Hizbullahê xistine.
Di berdewamiya êrîşên hewayî yên artêşa Îsraîlê de, ji danê sibehê ve nêzî 100 roket ji Lubnanê ber bi Îsraîlê ve hatin avêtin.
Li gundê Kiryat Şîmona yê nêzî sînorê Lubnanê, ji ber ketina rokêtan li depoya şaredariyê şewat derket.
Di êrîşên Îsraîlê de rojnamevanekî jiyana xwe ji dest da
Her wiha li gor nûçeya ajansa fermî ya Îranê IRNA’yê, nûçegihanê kanala nûçeyan a El-Meyadînê Hadî Es-Seyîdê di êrîşa hewayî ya Îsraîlê de hat hedefgirtin.
Di encama hilweşîna malekê de rojnamevanê Libnanî jiyana xwe ji dest da
Hizbullah bi moşekan êrîşî Îsraîlê kir
Hizbullaha Lubnanê jî ragihand ku 6 êrîşên moşekî li du balafirgehên leşkerî, navendek û kargeheke teqemeniyan li bakurê Îsraîlê kirine armanc.
Di daxuyaniya ku li ser hesabê Telegramê yê Hîzbullahê hat dayîn de hat diyarkirin ku Balafirgeha Leşkerî ya Megîdo ya li rojavayê bajarê Afula yê li bakurê Îsraîlê 3 caran li pey hev bi moşekên Fadî 1 û Fadî 2 hatiye bombekirin.
Balafirgeha ku 30 kîlometre dûrî sînorê Lubnanê ye, cara ewil ji aliyê Hizbullahê ve hate lêdan.
Di daxuyaniyeke din ya Hizbullahê de hat diyarkirin ku Baregeh û balafirgeha Ramat Davîd bi moşekên Fadî 2, Baregeha Amos bi Fadî 1 hate xistin.
Hizbullah ji agahiyên ku fermandarê wê miriye derewand
Di daxuyaniyeke din a Hizbullahê de hat ragihandin ku nûçeyên ji Îsraîlê tên ku dibêjin Alî Karakî di êrîşa li dijî Dahiyeyê de hatiye kuştin ne rast in.
Hat destnîşankirin ku rewşa tenduristiya Karakî baş e û li cihekî ewle ye.
Li Lubnanê fermandarê qadê yê Hamasê hate kuştin
Ji aliyê din ve Tûgayên Îzzeddîn El-Qassam baskê leşkerî yê Hamasê ragihand ku şeva borî di êrîşa hewayî ya Îsraîlê ya li ser Lubnanê de fermandarekî qadê hatiye kuştin.
Di daxuyaniya Tûgayên Qassam de hat diyarkirin ku di êrîşa duh de fermandarê Tugaya Qassam a qadê Huseyîn Mahmud en-Nadir hatiye kuştin.
Di daxuyaniya berê ya Tugayê de hat destnîşankirin ku 40 moşek ji xaka Libnanê ber bi herêmên bakurê Îsraîlê va hatin avêtin.
