Sibe li gor saeta herêmî seat 18’an Konseya Ewlekarî ya Neteweyên Yekbûyî civîneke awarte di derbarê geşedanên êrişê Lubnanê wê bicive.
Serokkomarê Fransayê Îmmanuel Macron jî derbarê Lubnanê de daxuyaniyek da.
Macron diyar kir ku ev civîn pir girîng e û ew ji ber rewşa herêmê piştgiriyê didin vê civînê.
Serokkomarê Fransayê got: “Em her tim li kêleka Lubnanê bûn û em ê bidomînin.”
Konseya Ewlekarî ya Neteweyên Yekbûyî dê di civîneke awarte de li ser geşedanên derbarê Lubnana ku di nav hefteyekê de cara duyem di bin êrîşên Îsraîlê de ye, bicive.
Li gor agahiyan wê sibê li gor saeta herêmî saet 18’an bê kirin.
Sekreterê Giştî yê Neteweyên Yekbûyî Antonio Guterres dê axaftina vekirinê ya rûniştina awarte ya ku dê li ser daxwaza Fransayê were kirin bike.
Melonî: Şerekî mezin li Lubnanê dê bi kêrî kesî neyê
Serokwezîra Îtalya Giorgia Melonî ji bo 79. Konseya Giştî ya Neteweyên Yekbûyî li New Yorkê bû.
Li wir derbarê rewşa Lubnanê de pirsên rojnamevanan bersivand.
Melonî li ser rewşa Lubnanê ya ku Îsraîlê di van rojên dawî de dest bi êrîşa esmanî kir wiha got:
“Ez bawer dikim ku di derbarê Lubnanê de zehmetiya herî mezin ew e ku pêkanîna agirbestê û kêmkirina rageşî ye.
Helbet weke her carê difikirim ku mafê Îsraîlê heye ku xwe biparêze.
Lê belê şerekî mezin li Lubnanê bi kêrî kesî neyê.”
Macron: Em her tim li kêleka Lubnanê bûn
Her wiha Serokkomarê Fransayê Îmmanuel Macron jî derbarê Lubnanê de daxuyaniyek da.
Macron diyar kir ku civîna vê hefteyê ya li Konseya Ewlekariyê ya Neteweyên Yekbûyî ya ji bo gotûbêjkirina geşedanên li Lubnanê pir girîng e.
Macron anî ziman ku ew ji ber rewşa herêmê piştgiriyê didin vê civînê.
Macron got:
“Em her tim li kêleka Lubnanê bûn û em ê bidomînin.”
Îngilîstan ji bo derxistina welatiyên xwe li Lubnanê 700 leşkeran dişîne qibrisê
Li aliyê din serokwezîrê Îngilîstanê Keir Starmer ragihand ku ew ê ji bo derxistina welatiyên xwe li Lubnanê 700 leşkeran dişîne Qibrisê.
Starmer dubare bang li welatiyên Îngilîstanê yên li Lubnanê kir ku demildest welêt terk bikin û metirsiya xwe ji rewşa herêmê nîşan da.
Starmer teqezî li ser pêwîstiya zelalkirina kêmkirina rageşiyê û pêkanîna agirbestê di navbera aliyan de kir.
Du keştiyên şer ên Brîtanî jixwe li herêma li peravên Qibrisa Başûr in, heger fermana tehliyekirinê bê dayîn dê bên bikaranîn.
Balafir û helîkopterên hêzên hewayî yên Qraliyeta Îngilîstanê jî amade ne.
Kanada bang li welatiyên xwe kir: Demildest vegerin malên xwe
Her wiha Wezîra Karên Derve ya Kanadayê Melanie Joly li ser hesabê xwe yê medyaya civakî X daxuyanî da.
Joly bang li welatiyên Kanadayî yên ku çûne Lubnanê an jî li wî welatî bi cih bûne kir ku demildest vegerin malên xwe.
Joly bal kişand ku rewşa herêmê bêîstiqrar e û her kêlî dibe ku rageşî zêde bibin.
Joly destnîşan kir ku ew bi hemtayên xwe yên Lubnanî û Îsraîlî re di nava têkiliyê de ne û ji bo pêşîgirtina li felaketekê divê bi lezgîn rageşiya di navbera Îsraîl û Lubnanê de were kêmkirin.
