Serokê Rûsyayê Vladimîr Pûtîn di civîna Konseya Ewlekariyê ya ku roja Çarşemê li Kremlînê hat lidarxistin bal kişand ser bikaranîna çekên nukleerî ku di dema êrîşeke esmanî ya “giran” de li dijî wan çêbibe.
Pûtîn got: ”Her ku em agahiyên pêbawer bi dest bixin ku ji hewa û fezayê çek ber bi me ve hatine avêtin an jî sînorên dewleta me derbas bikin, em ê îxtimaleke wiha binirxînin.
Serokê Rûsyayê Vladimîr Pûtîn ragihand ku wan bernameya nukleerî ya welatê xwe nû kiriye.
Pûtîn di civîna Konseya Ewlekariyê ya ku roja Çarşemê li Kremlînê hat lidarxistin de axivî.
Putîn got:
“Êrîşa li dijî Rûsyayê ya ji aliyê welatekî ne nukleer ve, bi beşdarbûn an jî piştgiriya hêzeke nukleerî, wê wek êrîşeke nukleerî ya li dijî Federasyona Rûsyayê bê qebûlkirin.”
Serokê Rûsyayê bal kişand ser bikaranîna çekên nukleerî ku di dema êrîşeke esmanî ya “giran” de li dijî wan çêbibe û wiha got:
“Her ku agahiyên pêbawer bi dest bixin ku ji hewa û fezayê çek ber bi me ve hatine avêtin an jî ev çekan sînorê dewleta me derbas kirine, em ê îxtimaleke wiha binirxînin.”
Pûtîn destnîşan kir ku ev “jetên stratejî û taktîkî, moşekên nukleerî yên birêvebir, balafirên bê mirov û her wiha amûrên firînê yên hîpersonîk û yên din di nav de hene.”
Putîn: Em mafê êrîşê veşartî digirin
Serokê Rûsyayê anî ziman ku bernameya nû ya çekên nukleerî tê wê wateyê ku “ew mafê bikaranîna çekên nukleerî di dema êrîşkirina li dijî Rûsya û Belarûsê de diparêzin.”
Her wiha Pûtîn bal kişand ser yek ji senaryoyên nukleerî yên muxtemel û got:
“Dijmin bi çekên konvansiyonel metirsiyek krîtîk li ser serweriya Rûsyayê çêdike”
Welatê me her dem bi berpirsiyariyên xwe di mijarên wiha de haydar e, lê wekî hukûmet neçar in ku bihesibînin ku rewşa leşkerî û siyasî ya nûjen bi lez diguhere.”
Ji aliyê din ve, Ukrayna niha li destûrê digere ku çekên ku ji Rojava bidest xistiye di kûrahiya axa Rûsyayê de bikar bîne.
Pûtîn hişyarî dabû ku ev destûr tê wê wateyê ku NATO bi Rûsyayê re bikeve şer.
Pûtîn ji dema dagirkirina Ûkraynayê ya ji aliyê Rûsyayê ve di Sibata 2022’yan de gelek caran gefa bikaranîna çekên nukleerî xwariye.
Li gorî ajansa nûçeyan a Rûsî Tass, guhertinên ku di bernameyê de hatine pêşbînîkirin, hîn di qonaxa pêşnûmeyê de ne û berî ku fermî bibin divê ji hêla Pûtîn ve werin pejirandin.
