Rûsiya ev 3 roj in êrişî bajarê Zaporijya ya li başpûrê Ukraynayê dike.
Di encama van êrişan zirareke mezin gihîşt gelek avahî û xaniyan 7 kes birîndar û kesekî hate kuştin.
Êrîşên moşekî yên li pey hev yên Rûsyayê li dijî Ukraynayê zextê li pergala parastina hewayî ya wî welatî kir.
Hat ragihandin ku di êrîşên Rûsyayê yên ku ev 3 roj in li bajarê Zaporijya yê li başûrê rojhilatê Ukraynayê dewam dikin de 7 kes birîndar bûne.
Li gor daxuyaniya Servîsa Lezgîn a Dewletê ya Ukraynayê, hat diyarkirin ku Moskowê bi bombeyên serdema Sovyetê li Zaporijya xist û herî kêm kesek mir û zirareke mezin gihîşt gelek avahî û xaniyan.
Walîtiya bajêr ragihand ku Rûsyayê jî êrîşî Kupianskê ya li bakur kir û di bûyerê de kesek mir û kesek jî birîndar bû.
Walî Oleh Syniehubov (oleh sînehubov) diyar kir ku di êrîşên li Xarkîvê de herî kêm 3 kes mirin û 28 kes jî birîndar bûn.
Li Xarkîvê jî di êrîşa Rûsyayê de 3 kes mirin
Di vê navberê de, aliyê Moskowê dîmenên wesayîtên zirxî û alavên leşkerî li ser platformên medyaya civakî belav kirin da ku leşkerên Ukraynayê yên ku li Kurskê li dijî êrîşan pêk anîn paş ve bixin.
Li herêma Kurskê hêzên Ukraynayê hewl didin Korenovo bi dest bixin.
Ketina vî bajarî dê rê bide wan ku parastina xwe li ser axa Rûsyayê bihêz bikin û “herêmek tampon” a hevgirtî ji bo parastina Xarkîv û bajarên din ên bakur ava bikin.
Êrîşa li ser herêma Kurskê êrîşa herî mezin a Ukraynayê bû ku ji Şerê Cîhanê yê Duyemîn ve li dijî Rûsyayê dest pê kiribû.
Di heman demê de ev êrîşa yekem e ku ji hêla leşkerên Ukraynayê ve ne ji hêla leşkerên Rûs ên alîgirên Ukrayna ve tê birêvebirin.
Rûsyayê di Sibata 2022’yan de dest bi dagirkirina Ukraynayê ya berfireh kir.
Ji wê demê ve, Moskowê bi bombebarankirina bajar û bajarokên li ser sînor, cûreyek “şerê ji hev xistinê” dike.
