Li Sûdanê aliyekî şer, koçberî û aliyek jî karesatên xwezayî û nexweşî rû didin.
Di şerê Sûdanê de zêdeyî 20 hezar kes mirin û hejmarek zêde jî ji welêt koçber bûn.
Li gor daneyên tên parvekirin nêzî 25 mîlyon kes hewcedarî alîkariyên mirovî ne.
Li aliyê din li Sûdanê ji ber lehiyê û rewşa xerab a hewayî 225 kes mirin.
Ji meha Hezîranê heta niha 535 kes ji ber şewba kolerayê mirineç
Welatiyên Sûdanê bi gelek pirsgirêkên jiyanî, şer, nexweşî, lehî re rû bi rû dimînin.
Li aliyekî şer û pevçûnên navxweyî ku 17 mehin didome û di encama vê şerê de zêdeyî 20 hezar kes mirin.
Ji ber şerê ku di navbera artêşa Sûdanê û Hêzên Piştgiriya Bilez de diqewime bû sedema krîza herî mezin a koçberiyê.
Li Sûdanê nêzî 25 mîlyon mirov hewcedarê alîkariyên mirovî ne
Şerê bê encam, nêzî 25 mîlyon mirov, ku bi qasî nîvê nifûsa giştî ye, hewcedarê alîkariyên mirovî hişt.
Şer bi taybetî li paytext Xartûm, Cezîra û Sinnar ên li herêmên navendî û eyaletên Darfûrê yên li rojava giran e.
Nêzîkî 8 mîlyon mirovên ji cîhêwêrkirî derbasî eyaletên bi ewle bûne.
Bandora baran û lehiya li Sûdanê
Her wiha ji meha Hezîranê û vir ve li van eyaletan û herêmên din ên ku koçber lê derbas bûne, lehî rû didin.
Ji ber barana zêde û lehiyê ku ji 18 eyaletan 11 eyaletan bandor kir 225 kesan jiyana xwe ji dest dan.
Ji ber lehiyê 35 hezar û 794 xanî bi temamî û 40 hezar û 781 xanî qismî hilweşiyan û li 15 eyaletan jî nêzî 180 hezar kes ji cih û warên xwe bûn.
Li Sûdanê ji ber nexweşiya kolerayê 535 kes mirin
Li aliyê din baran û lehiyê jî bû sedema belavbûna nexweşiyên epîdemîk ên wekî kolerayê.
Rayedarên Sûdanê di 12’ê Tebaxê de kolera wekî nexweşiyên belav dibe ragihand.
Ji meha Hezîranê heta niha 535 kes ji ber şewba kolerayê mirin û bi giştî hejmara nexweşên kolerayê derket 17 hezar û 411’an.
Li Sûdanê bûyera nexweşiya taya dengê
Her wiha li 5 eyaletên Sûdanê bûyerên nexweşiya taya dengê hatin tespîtkirin.
Bi giştî hejmara bûyerên nexweşiya taya dengê gihîşt 378 kesan û 2 kes jî ji ber vê nexweşiyê mirin.
Di vê pêvajoyê de ku pergala tenduristiyê bi bandor naxebite, Sûdaniyan di gihîştina dermankirinê de zehmetiyan dikişînin.
