Li Camû-Keşmîrê qonaxa dawî ya hilbijartinên parlamentoyê dest pê kir.
Di qonaxa sêyemîn û dawî ya hilbijartinê de wê di nav 415 namzetan de 40 wekîl bên hilbijartin.
Li Camû-Keşmîrê qonaxa dawî ya hilbijartinên parlamentoyê dest pê kir.
Rayedaran diyar kirin ku pêvajoya dengdayînê ya ku di saet 07.00’an de dest pê kir, di bin tedbîrên zêde yên ewlekariyê de bi rengekî bêdeng derbas bû.
Di qonaxa sêyemîn û dawî ya hilbijartinê de dê di nav 415 namzetan de 40 wekîl bên hilbijartin.
Ji van parlamenteran 24 dê Camû û 16 jî dê nûnertiya herêma Keşmîrê bikin.
Du qonaxên pêşîn qediyan
Zêdetirî 8,7 mîlyon hilbijêr dê ji bo 90 kursiyan di hilbijartinên parlamentoyê yên sê qonaxan de li Camu-Keşmîr deng bidin.
Ji kursiyên Meclîsa Camû-Keşmîr, 47 dê Keşmîr û 43 dê nûnertiya Camû bikin.
Partiya ku di hilbijartinan de 46 an jî zêdetir kursiyan bi dest bixe dê bibe xwediyê piraniyê.
Di qonaxa yekem a dengdanê de 24, di qonaxa duyemîn de jî 26 wekîl hatin hilbijartin.
Tê payîn ku encamên hilbijartinê hefteya bê ji raya giştî re bên eşkerekirin.
Hilbijartinên parlementoyê yên dawî di sala 2014’an de hatin kirin
Hilbijartinên parlemanî yên dawî li Camû-Keşmîr di Mijdar-Kanûna 2014’an de hatin kirin.
Li Camû-Keşmîr ku wê demê eyaletek bû, Partiya Modî û Serokwezîrê berê yê Camû-Keşmîr û Serokê Partiya Demokratîk a Gelan Mehbuba Muftî hikûmeta koalîsyonê ava kirin.
Partiya Serokdewletê Hindistanê Narendra Modi piştgiriya xwe ya ji bo Muftî û koalîsyona ku di 19’ê Hezîrana 2018’an de hilweşand vekişand.
Ji hingê ve, Camû-Keşmîr rasterast ji hêla New Delhi ve tê rêvebirin.
Piştî 5’ê Tebaxa 2019’an statûya taybet a herêmê hate rakirin û dewlet bû du herêmên yekîtiyê yên girêdayî navendê.
Rakirina statûya taybetî ya Camu-Keşmîr
Her wiha di 5’ê Tebaxa 2019’an de, rêveberiya Hindistanê bendên makezagonê yên ku ji nîv sedsalê zêdetir statûya taybetî dabû Camu-Keşmirê betal kir.
Qanûna hemwelatîbûnê ya Camu-Keşmîrê jî ku ji sala 1947’an vir ve destûr nedida biyaniyan li herêmê bi cih bibin û milkê xwe bi dest bixin, hat rakirin.
Ji ber vê yekê Misilman bi fikar in ku hikûmeta navendî dê demografiya herêmê bi cîbicîkirina piraniya Hindûyan li herêmê biguherîne.
Dengdana qonaxa 2. a hilbijartinên li Camu-Keşmîr dest pê kir
