Wezareta Parastinê ya Amerîkayê-PENTAGON daxuyaniyek da li ser êrişa Îranê da.
Di daxuyaniyê de hate diyar kir ku Wezîrê Parastinê yê Amerîkayê Lloyd Austin beriya êrîşa Îranê bi hempîşeyê xwe yê Îsraîlî Yoav Gallant re hevdîtin kir.
Austin anî ziman ku welatê wî ji bo parastina Îsraîlê amade ye.
Bi êrîşa Îranê re li welatên cîhanê jî bertek, piştgirî û gef hatin.
Li ser êrîşê Wezareta Parastinê ya Amerîkayê-PENTAGON daxuyaniyek da.
Di daxuyaniya Pentegonê de hat diyarkirin ku Wezîrê Parastinê yê Amerîkayê Lloyd Austin beriya êrîşa Îranê bi hevtayê xwe yê Îsraîlî Yoav Gallant re hevdîtin kir.
Austin anî ziman ku welatê wî ji bo parastina Îsraîlê amade ye.
Antony Blinken: Êrîşa Îranê nayê qebulkirin
Wezareta Karên Derve ya Amerîkayê bi bîr xist ku di van rojên dawî de hebûna artêşa Amerîkayê li herêmê zêde bûye.
Wezaretê destnîşan kir ku rêveberiya Amerîkayê bi biryar e ku rê li hemû aktorên ku aloziyê bi kar bînin û nakokiyan li herêmê belav bikin, bigire.
Wezîrê Karên Derve yê Amerîkayê Antony Blinken êrîşa mûşekî ya Îranê weke “Nayê qebûlkirin” nirxand.
Blinken diyar kir ku divê ev bûyer ji aliyê hemû cîhanê ve bê şermezarkirin.
Almanya êrîşa Îranê ya li dijî Îsraîlê şermezar kir
Yekem berteka Almanyayê li hember êrîşa Îranê ya li dijî Îsraîlê ji Wezîra Derve Annalena Baerbock hat.
Annalena Baerbock di daxuyaniya xwe ya li ser hesabê xwe yê Xê de wiha got:
“Di van saetan de Îranê bi moşekan êrîşî Îsraîl dike.
Ez vê êrîşa ku didome bi tundî şermezar dikim. Me hişyarî da Îranê ku vê pêngava metirsîdar navêje.
Divê Îran demildest êrîşê rawestîne.”
Komên ku îran piştgirîya wan dike li Iraqê hişyarî dan Amerîkayê
Her wiha milîsên Şîe yên li Iraqê ku Îran piştgiriya wan dike, ragihandin ku eger Amerîka bersiva êrîşa mûşekî ya Îranê bide yan Îsraîl bi her awayî derbasî esmanê Iraqê bibe, ew ê hemû baregehên Amerîkayê yên li Iraqê bikin armanc.
Konseya Ewlekariya Netewî wê li Fransayê bicive
Li Fransaya ku welatekî din ê girîng ê Yekîtiya Ewropayê ye, Serokwezîr Mîchel Barnier hişyarî da ku li Rojhilata Navîn pevçûn zêde bibin û diyar kir ku rewş gelekî giran e.
Hat ragihandin ku piştî êrîşa Îranê ya li dijî Îsraîlê, Konseya Ewlehî û Parastina Neteweyî ya Fransayê wê di bin serokatiya Serokomar Emmanuel Macron de bicive.
Çar welatan qada xwe ya hewayî girtin
Li aliyê din daketin û rabûn ji hemû balafirgehên Îsraîlê jî heta daxuyaniyeke din hatin rawestandin.
Rayedarên Lubnanê jî ragihandin ku ji ber “pêşketinên li herêmê” qada hewayî ji hemû seferan re hatiye girtin.
Urdun, ku di navbera Îran û Îsraîlê de ye, welatekî din bû ku qada xwe ya hewayî li herêmê girtibû.
Hat ragihandin ku li Îrana ku êrîşî Îsraîlê kir, hemû xebatên hewayî yên sivîl hatin rawestandin.
