Îranê li himber êrişên Îsraîlê li ser Lubnanê bê deng nema.
Her çiqasî dereng be jî lê êriş li dijî Îsraîlê pêk anî.
Di encama êrişa Îranê de kesek hate kuştin û 2 jî birîndar bûn.
Ji aliyê din ve berdevkê Hûsiyên Yemenê Yahya Serî’ ragihand ku xalên leşkerî yên li Îsraîlê bi roketa “Quds 5 ya sê baskan ve hatine hedefgirtin.
Artêşa Îsraîlê heta niha bersiva daxuyaniya Yahya Serî’ ya îro nedaye.
Îran bi hejmarek zêde moşekan êrîşî navenda Îsraîlê kir.
Artêşa Îsraîlê ragihand ku Îranê danê êvarê êrîşeke mûşekî li dijî Îsraîlê pêk aniye û li seranserê welêt, Qudsê jî di nav de, sîren hatine lêdan.
Radyoya artêşa Îsraîlê jî ragihand ku êrîş bi qasî 180 moşekan hatiye kirin.
Hat diyarkirin ku di êrîşa navborî de li bajarê Erîhayê yê Şerîa Rojava di encama ketina moşekê de kesek miriye û 2 kes jî birîndar bûne.
Mertala Sor a Îsraîlê jî ragihand ku 2 kes li herêma Telavîvê bi sivikî birîndar bûne û çend kes jî li seranserê welat dema ku hewl didin bikevin stargehan, bi giranî birîndar bûne.
Rêveberiyên Amerîkayê jî di nava rojê de daxuyaniyek da û diyar kir ku Îran di her kêliyê de dikare bi mûşekan êrîşî Îsraîlê bike
Amerîka bang li xebatkarên Balyozxaneya li Îsraîlê û endamên malbatên wan kir ku biçin cihekî bi ewle.
Di êrîşa çekdarî ya duh li Îsraîlê de 7 kes hatin kuştin
Doh bi hemwextî êrîşa moşekên a Îranê, li navenda Îsraîlê êrîşa çekdarî pêk hat.
Di nûçeya televizyona dewletê ya Îsraîlê KAN’ê de hat diyarkirin ku di êrîşa duh bi şev de hejmara miriyan derket 7’an.
Polîsê Îsraîlê diyar kir ku êrîşkar li cihê bûyerê hatin bêbandorkirin.
Îsraîl: Wê encamên wê êrîşê hebin
Li aliyê din berdevkê hezên artêşa Îsraîlê Daniel Hagari diyar kir ku ew ê tola êrîşa moşekî ya Îranê hilînin.
Hegarî got: wê encamên wê êrîşê hebin.
Pasdarên Îranê gef li Îsraîlê xwar
Her wiha derbarê êrîşê de yekemîn daxuyaniya fermî ya Îranê ji Pasdarên Îranê hat.
Berdevkê Pasdarên Îranê teqez kir ku eger Îsraîl bersiva êrîşa mûşekî ya Îranê bide, ew ê careke din êrişî Îsraîlê bikin.
Di daxuyaniyê de hat diyarkirin ku êrîşa li dijî Îsraîlê ji ber kuştina Serokê Hamasê Îsmaîl Heniye, Lîderê Hîzbullahê Hesen Nasrallah û generalekî Îranî hat kirin.
Husiyan: Xalên leşkerî yên Îsraîlê hatin hedefgirtin
Ji aliyê din ve berdevkê Hûsiyên Yemenê Yahya Serî’ ragihand ku xalên leşkerî yên li Îsraîlê bi roketa “Quds 5 ya sê baskan ve hatine hedefgirtin.
Artêşa Îsraîlê heta niha bersiva daxuyaniya Yahya Serî’ ya îro nedaye.
Yahya Serî bal kişand ser operasyonên bejahî yên Îsraîlê yên li Lubnanê jî û wiha got:
“Heta ku êrîşên li ser Xeza û Lubnanê bi dawî nebe, dijmin Îsraîl û kî li pişta wê be, em ê ji berfirehkirina operasyonên xwe yên leşkerî dudilî nebin.”
Daxuyaniya Hûsiyan piştî wê yekê hat ku şeva borî Îranê bi mûşekan êrişî Îsraîlê kir.
