Li Hindistanê ji roja Înê heya niha ji ber lehî û şemitîna axê herî kêm 20 kesan jiyana xwe ji dest dane û zirarên mezin pêk hatine.
Li gorî wezaretê karesatan li Bangladeşê baranên zêde bûne sedem ku asta avê bilind bibe.
Tenê ji roja Şemiyê heya niha jî 5 kesan jiyana xwe ji dest dan.
Ji bilî ku vê bobelatê hişt ku 20 hezar kes malên xwe vala bikin.
Ji ofîsa serokatiya herêmî ya li eyaleta Meghalaya ya li bakur-rojhilatê Hindistanê daxuyaniyek hate dayîn.
Di daxuyaniyê de hate ragihandin ku ji roja Înê heya niha ji ber lehî û şemitîna axê herî kêm 20 kes mirine û zirarên mezin pêk hatine.
Li gorî wezaretê karesatan li Bangladeşê baranên zêde bûne sedem ku asta avê bilind bibe û ji roja Şemiyê heya niha jî 5 kes mirine.
Li gorî heman çavkaniyê jî herî kêm 20 hezar kes neçar mane ku malên xwe biterikînin.
Ji ber lehî û şemitîna axê 20 kes mirin
Rayedarên wezaretê dan zanîn ku avên lehiyê vedikişin.
Her wiha di meha Îlonê de jî li Nepala li bakurê Hindistanê di encama lehî û şemitîna axê de herî kêm 225 kesan jiyana xwe ji dest dabûn.
Ev yek jî bûbû sedem ku asta ava çemên ji Hindistan û Bangladeşê derbas dibin, bilindtir bibe.
Li Asyaya Başûr di demsala mûsonê de gelekî lehî û şemitîna axê yên mezin pêk tên.
Pispor jî sedema zêdebûna van weke guherîna avhewayê nîşan didin û têkildarî vê yekê hişyariyan didin.
Li eyaleta Florîda ya Amerîkayê xeteriya bahoza milton heye
Li aliyê din li eyaleta Florîda yê Amerîkayê xeteriya bahoza Mîltonê heye.
Rayedarên eyaleta Florîda ya Amerîkî dest bi ragihandina fermanên valakirinê yên li dû hev kirin.
Rayedaran diyar kirin ku biryara valakirinê ya mijara gotinê herî kêm 50 navçeyên Florîdayê digire nava xwe.
Her wiha rayedaran bang li niştecihên eyaletê kirin, çenteyên ku ji xwarin, av, derman û bataryayê pêk tê amade bikin.
Navenda Bahoza Neteweyî jî di parvekirinên xwe yê dawî de da zanîn ku bahoz ber bi Kendava Meksîkayê ve diçe û got:
“Milton ji bo rojava û navenda Florîdayê xwedî potansiyel e ku bibe yek ji bahozên herî wêranker ên tomarkirî.”
