“Ji Emerîka heta Rûsyayê, ji YE heta Yekitiya Ereban, ji Tirkiyeyê heta Yewnanistanê, ji Kenyayê heta Tacikistanê, hemû jî tev li komployê bûbûn.
Gelo tişta ku dijminên qedîm anku Tirk û Yewnan kirin yek çi bû?
Çima li ser pişta min tifaqên wiha bêrêgez an jî yekitiyên berjewendiyan dihatin avakirin?
Berxwedana gelê me komplo vala derxist.”
Rêber Abdullah Ocalan di nirxandinên xwe ên ser Komploya 9’ê Cotmehê de vê yekê dibêje.
Rêber Abdullah Ocalan, di nirxandinên xwe yên piştî birin Tirkiyeyê de têkildarî komploya li dijî xwe nirxandinên balkêş kir.
Rêber Apo, komploya ku gelek dewlet tê de cih digirt weke “Operasyona NATO-Gladio”, “Destpêka Şerê 3’yemîn ê Cîhanê”, nirxand.
Rêber Apo: Li ser pişta min tifaqên bêrêgez hatin avakirin
Rêber Ocalan eşkere dike pêvajoya operasyona li dijî wî bi berpirsyartiya siyasî ya DYA û YE’yê hatiye û ev aniye ziman:
Rêber Apo, bi domdarî balê dikişîne ser têkiliya di navbera hêzên beşdarî komployê bûn û wiha dibêje:
“Ji DYA heta Rûsyayê, ji YE’yê heta Yekitiya Ereban, ji Tirkiyeyê heta Yewnanistanê, ji Kenyayê heta Tacikistanê, tevek jî tev li komployê bûbûn.
Gelo tişta ku dijminên qedîm anku tirk û yewnan kirin yek çi bû?
Çima li ser pişta min tifaqên wiha bêrêgez an jî yekitiyên berjewendiyan dihatin avakirin?
Wer xwiya bû ku ez ji bo zîhniyeta faşîst a lîberal û berjewendiyên piraniya wan weke gefek bûm.”
Rêber Apo: Kopmlo ne tenê li dijî şexsê min bû ew li dijî Kurdan û Tirkan teva bû
Rêber Ocalan, di nirxandineke xwe ya din de jî ev tespît dikir:
“Komploya di şexsê min de ne tenê li dijî Kurdan, li dijî Tirkan jî hate kirin.
Armanc ew bû ku neçareseriya heyî sedsaleke din jî bidin domandin.
Dê bixwestina vê firsendê heta dawiyê bi kar bînin. Jixwe ne pêkan bû mirov berevajiya vê bifikire.
Rastiya li Îmraliyê, zanînên min ên xam ên di vê mijarê de hîn bêhtir pêşxistin.
Lê belê pirsgirêka herî girîng a li pêşiya min disekine ew bû ku vê rastiyê bi rêveberên tirk bidin fêmkirin.”
Rêber Apo: Min komplo weke komploya sedsala 21’an bi nav kir
Rêber Ocalan di hevdîtina 15’ê mijdara 2000’î de bal kişand ser vê yekê ku bi hatina wî ya Girava Îmraliyê re li Tirkiyeyê pêvajoyeke nû destpê kiriye û gotiye:
Ev komplo jî weke “Komploya sedsala 21’an” bi nav kir.
Rêber Apo: an şer an çareserî
Rêber Ocalan di hevdîtina li gel parêzerên a 27’ê Sibata 2002’an de ev nirxandin kiribû:
“Di pêvajoya komployê de DYA û Yewnanistanê dîsa bi ser min re digotin ‘divê bi hev re şer bikin û hev qetil bikin’.
Ma em bi ketina vê xefikê dev ji rûmet û azadiya xwe berdin? Ji bo têkbirina van lîstikan emê zorê bidin avakirina zemîna demokratîk.
Rêyeke din nîne. Ev pirsgirêk an bi şer kûr bibe an jî bi aştiyê wê çareseriya demokratîk pêş bikeve.”
Rêber Apo: Min Komplo pûç kir
Rêber Ocalan di hevdîtina parêzerên xwe ya 4’ê Tîrmeha 2001’an de bal kişand ser vê yekê ku armanca komployê “tinekirina PKK’ê û Kurdan e” û wiha gotibû: ”
“Komplo li ser mirina min pêk hat. Min bi jiyankirinê komplo pûç kir. “
