Hefteya borî, Ukrayna du pergalên din ên parastina hewayî ji Almanyayê wergirtin.
Almanya soz da ku heta dawiya salê bêtir çekan bişîne.
Li aliyê din Îngilîstan 4,5 mîlyar dolar ji Ukraynayê re veqetand ji bo kirîna alavên leşkerî yên nûjen ji hilberînerên Brîtanî.
Hefteya borî, Ukrayna du pergalên din ên parastina hewayî ji Almanyayê wergirtin.
Almanya soz da ku heta dawiya salê bêtir çekan bişîne.
Generalê Alman Christian Freuding got:
“Em di asteke bilind de radest dikin û em ê vê astê bilind biparêzin.
Hefteya borî me du pergalên parastina hewayî radest kirin.
Em ê beriya dawiya vê salê du pergalên din ên parastina hewayî radest bikin.”
Christian Freuding da zanîn ku ew ê hejmarek wesayîtên şer, tank û hin cebilxaneyan bişînin Ukraynayê.
Li gorî Freuding, hikûmeta Alman di piştgiriya xwe ya ji bo Ukraynayê de yekgirtî ye.
Li ser pirsa gelo hewildanên aştiyê li Ukraynayê pêşde diçin yan na, Freuding got:
“Her gava ku ji bo lêgerîna aştiyê tê avêtin divê bi kêfxweşî were pêşwazî kirin.
Lêbelê, zehmet e ku mirov bi ciddî şansê binirxîne ji ber ku Rusya bi naskirina herêmên dagirkirî şertên xwe destnîşan dike.”
Îngilîstan 4,5 milyar dolar ji bo kirîna çekan ji Ukraynayê re veqetand
Li aliyê din Îngilîstan 4,5 mîlyar dolar ji Ukraynayê re veqetand ji bo kirîna alavên leşkerî yên nûjen ji hilberînerên Brîtanî.
Di raporta servîsa çapemeniyê ya hikûmeta Îngilîstanê de hatiye ku, şandeyekî bazirganî ya Îngilîstanê ku ji nûnerên Wezareta Parastinê, Wezareta Bazirganî û Komeleya Parastinê ya ADS pêk tê, serdana Ukraynayê kir û bi hikûmeta Ukraynayê û nûnerên pîşesazî re hevdîtin pêk anî.
Wezîrê Hêzên Çekdar ên Îngilîstanê Luke Pollard got:
“Piştgiriya Brîtanyaya Mezin ji Ukraynayê re pir xurt e.
Bi kûrkirina têkiliyên xwe bi pîşesaziya parastinê ya Ukraynayê re, em qebiliyetên Ukraynayê bihêz dikin û potansiyela xwe ya pîşesazî jî berfireh dikin.”
Wezareta Parastinê bi çend şîrketên Brîtanî re peyman îmze kir.
Di peyamê de tê gotin ku daxwazên hatine kirin tên amadekirin.
