Endamê Komîteya Rêveber a PKK’ê Mûrat Karayilan diyar kir ku Rêber Apo bi têkoşîna xwe Komplo wala derxist û got: “Li hemberî komployê herî zêde Rêber Apo têkoşiya û li ber xwe da.
Rêber Apo bi şêweyekî ku kes ne li bendê bû, bi nêzîkatiyeke dahiyane tarîtiya Îmraliyê ronî kir û piştre jî ronahiya xwe li cîhanê belav kir.”
Endamê Komîteya Rêveber a PKK’ê Mûrat Karayilan li ser komplo û rojevên sereyeke yên di rojevê de ji Radyoya Dengê Gel re axivî.
Hevpeyvîna bi Mûrat Karayilan re bi vî rengî ye:
“komploya ku 9’ê Cotmeha 1998’an destpê kir ji aliyê hêzên navneteweyî ve hate birêxistinkirin.
Komplo di şexsê Rêber Apo de êrîşek li ser paşeroja gelê me bû.
Êrîşeke bê wijdan û xayin bû.
Hemû lehengên me yê ku li dijî vê yekê bi dirûşma ‘Hûn nikarin roja me tarî bikin’ bedena xwe kirin gogek ji agir û li ber xwe dan, bi bîr tînim.
Ew pêşengên têkoşîna li dijî komployê ne.”
Mûrat Karayilan: Li hemberî komployê herî zêde Rêber Apo têkoşiya û li ber xwe da
Karayilan destnîşan kir ku yê herî zêde li hemberî Komployê li berxweda Rêber Apo bû û got:
“Li hemberî komployê herî zêde Rêber Apo têkoşiya û li ber xwe da.
Dijmin dixwest bi rêya komployê xeta Rêber Apo û tevgera me ji binî ve tine bike.
Li hemberî vê yekê Rêber Apo bi şêweyekî ku kes ne li bendê bû, bi nêzîkatiyeke dahiyane tarîtiya Îmraliyê ronî kir û piştre jî ronahiya xwe li cîhanê belav kir.”
Mûrat Karayilan: Rêber Apo bû reberek cîhanî
Karayilan destnîşan kir ku Rêber Apo bû Rêberekî Cîhanî û wiha anî ziman;
“Rêber Apo dema ku xistin zindana Îmraliyê weke rêberê gelê Kurd dihate dîtin.
Lê belê di vê serdemê de Rêber Apo bi têkoşîna xwe êdî ji sînorên Kurdistanê derbas bûye û ne tenê ji bo gelê Kurdistanê, ji bo gelên Ereb, Asûrî-Suryanî û hemû gelên herêmê sempatiyeke mezin jê re çêbûye, di asta navneteweyî de bûye Rêberê Modernîteya Demokratîk ku bindest hemû xwe nêzî wî dikin.”
Mûrat Karayilan: Şerê li Başûr tê kirin ji bo parastina hemû Kurdistanê ye
Mûrat Karayilan şerê li kurdistanê jî nirxand û diyar kir ku parastina Başûr tê wateya parastina Kurdistanê û wiha pê de çû:
“Şerê ku em niha dikin ne tenê şerê parastina Başûrê Kurdistanê ye.
Belê, ev şer li Başûrê Kurdistanê tê kirin lê belê ne tenê xwedî vê wateyê ye.
Ev şer şerê parastina tevahiya Kurdistanê ye. Ji ber vê yekê em vî şerî weke berxwedaneke pîroz dibînin.”
Mûrat Karayilan: Her roj Kurd tên kuştin, tecrîd heye pêvajoyek nû bi Tirkiyê re nîne
Mûrat Karayilan rewşa Tirkiyê jî bi wan gotinan nirxandin kir û wiha bi dawî kir.
“Raste, xwestin rojevê biguherin, ji bo xwe zemînê ava bikin. Lewma divê mirov zêde wateyê li merhebaya ku dayîn DEM Partiyê bar neke, zêde mezin neke.
Heta hin kes dibêjin, “gelo wê pêvajoyeke nû destpê bike?” Tiştek wiha nîne.
Divê ti kes xeyalên wiha neke. Ew hîna her roj Kurdan dikujin û bi cih dibin; şerek heye, li ser Rêber Apo tecrîd heye. Lewma tiştek wiha nîne.”
