Şerê ku bi awayekî eşkere ji 23 Îlonê di navbera Îsraîl û Hizbullayê de destpêkiriye bê navber berdewam dike.
Îsraîlê di nava êrîşên 24’an dawî de 45 çekdarên Hizbullahê kuşt.
Her wiha 150 cihê wan yê leşkerî bombebaran kirin.
Hizbullahê jî dikarî bi mûşekan du tanqên Îsraîlê li ser sînor biteqîne.
Di encamê de tîma tanqê hatin kuştin û hin ji wan jî birîndar bûn.
Nêzî mehekê piştî destpêkirina şerê vekirî, şer di navbera artêşa Îsraîlê û Hizbullahê li Lubnanê berdewam dike.
Artêşa Îsraîlê kuştina fermandarê tabûrekê di nava Hizbullahê Hisên Mihemed Ewada li bajarokê Bint Cebîl yê li başûrê Lubnanê ragihand.
45 çekdarên Hizbullahê hatin kuştin û 150 cih jî bûn armanc
Li gorî Îsraîlê di nava êrîşên 24’an dawî de 45 çekdarên Hizbullahê hatin kuştin û 150 cihê wan yê leşkerî hatin bombebaran kirin.
Artêşa Îsraîlê bang li xelkên devera Bîqa kir ku ji malên xwe derkevin û deverê vala bikin.
Îsraîlê vê sibehê bajarokê Eteyîba elşe’b yê başûrê Lubnanê bombebaran kir.
Îsraîlê bang li xelkê Bîqa’ dike ku deverê vala bikin
Li aliyê din Hizbullahê ragihand ku wan li El-lebona du tanqên Mîrkafa yê Îsraîlê teqandine.
Di encamê de her tanq hatin şewtandin û hin ji endamên wê hatin kuştin.
Hat ragihandin ku îro tevlî ku bêdengiyek li Dahiyê heye jî lê balafirên Îsraîlê li ezmanê Lubnanê digerin.
Her wekî 30 mûşek ji Lubnanê ber bi Hêfa û Eka hatin avêtin.
Li gel vê yekê jî bargeha Remat Dafiyêd jî bû armanc.
Lê di derbarê topbaranê de ti encam nehatine eşkerekirin.
Ragihandina Îsraîlê anî ziman ku pergala parastina hewayî dikarî meşekekê bê bandor bike û yê din jî li deverên vala ketine.
Beriya niha Îsraîlê bajarê El-Nebiya yê Dahiyê bombebaran kir.
Di encamê de 5 endamên şeredariyê hatin kuştin û gelek zirarên madî li pey xwe hişt.
Tevlî ku Îsraîlê gelek qadên şer li pêşiya xwe vekirine, lê heta niha jî li ser bersiva êrîşa Îranê israr dike.
Hêjayî bibîrxistinê ye ku êrîşa Îranê ya bi 400 mûşekî pêk hat, tenê di encamê de Filistîneyek hate kuştin.
DYE’ê beriya niha ragihand ku ew li dijî êrîşên dijwar yên Îsraîlê li ser Beyrûtê ye, lê Îsraîlê di bombebaranê de berdewam e.
Ji dema ku şer di navbera Îsraîl û Hizbullahê de gerim bû ango ji 23 Îlonê hezar û 373 kes hatine kuştin û nêzî miliyonekî jî koçber bûne.
