Rûsya mêvandariya nûnerên payebilind ên zêdetirî 30 welatan dike.
Civîna lîderên BRICS ya îsal cara yekem bi rengekî berfireh tê lidarxistin û welatên endamên nû tevlî yekîtiyê dibin.
Li aliyê din tê payîn ku Şerê Rûsya û Ûkraynayê ku di Sibata 2022’yan de dest pê kir, bi taybetî di hevdîtinên Pûtîn de bibe yek ji mijarên sereke yên rojevê.
Lîderên welatên BRICS’ê ku aboriyên pêşkeftî yên cîhanê ne, li Kazan a paytexta Komara Tatarîstanê ku şaxekî Federasyona Rûsyayê ye, bi rojeva sereke berfirehkirina yekîtiyê tên cem hev.
Di civîna lîderên BRICS’ê de ku îro li Kazanê dest pê kir, tê payîn ku zêdetirî 30 welat bên temsîlkirin.
BRICS’ê ku îsal bi beşdariya Misir, Etiyopya, Îran û Îmaratê hejmara endamên wê derket 9’an, di salên dawî de ji ber sepandinên welatên rojava yên li dijî Rûsyayê yên piştî şerê Ukraynayê, zêdetir kete rojevê.
Tê plankirin ku serok û rayedarên payebilind ên welatên BRICS di roja yekem a civîna ku li Kazanê dest pê kir de hevdîtinan pêk bînin.
Tê payîn ku rayedarên welatên mêvan di rojên duyemîn û sêyemîn de beşdarî civînê bibin.
Civîna lîderan a îsal ku bo cara yekem bi awayê berferehkirî yê BRICS ku Rûsya serokatiya wê bo sala 2024’ê dike, giringiyek taybet heye di demekê de ku hewlên welatên rojava bo îzolekirina Rûsyayê berdewam in.
Di civînê de nakokiyên herêmê jî wê bên rojevê
Li aliyê din tê payîn ku Şerê Rûsya û Ûkraynayê ku di Sibata 2022’yan de dest pê kir, bi taybetî di hevdîtinên Pûtîn de bibe yek ji mijarên sereke yên rojevê.
Zêdebûna êrîşên Îsraîlê yên li ser Xeza û Lubnanê û ji ber vê yekê zêdebûna rageşiya li Rojhilata Navîn jî ji mijarên ku tê plankirin di civîna lîderê BRICS de bên gotûbêjkirin.
Pûtîn diyar kiribû ku ew li bendê ne ku Serokê Filistînê Mahmûd Abbas ji bo civînê pêk were û ew ê li ser geşedanên li herêmê bi wî re bişêwirin.
