Yek ji Fedaiyê çalakiya Enqereyê Rojger Hêlîn beriya çalakiyê name ji Rêber Apo, gerîla, jinan, gel û malbata xwe re nivîsî.
Rojger Hêlîn diyar dike, ji bo ew bibe layiqê ked û hewldanên Reber Apo û weke rexnedayîna li hemberî pêvajoyê biryara vê çalakiyê digire.
Lewra Şehîd Rojger bang dike ku weke gel û tevger, pêwîste li derdora Rêbertî werin asta xelekeke ji agir.
23’yê Cotmeha 2024’an endamên Tabûra Nemiran şehîd Asya Alî û Rojger Hêlîn li hemberî navenda hilberandina çekan TUSAŞ’ê, çalakiyeke fedaî pêk anîbûn.
Yek ji Fedaiyê çalakiya Enqereyê Rojger Hêlîn beriya çalakiyê name ji Rêber Apo, gerîla, jinan, gel û malbata xwe re nivîsî.
Di nameya xwe de şehîd Rojger piştî vegotina armanca xwe ya tevlîbûna nava refên gerîla, xitabî Rêber Apo dike û wiha dibejê:
Serokê min ê hêja, beriya her tiştî şert û mercên jiyanê ku hûn di nav de ne, me gelekî diêşîne û xemgîn dike. Em li beramberî ked û hewldanên we yên bêdawî canê xwe jî bidin, wê têrê neke. We bi jiyana xwe gelekî ji nû ve ava kir. Em berhemên we ne. Em li beramberî vê fedaîtiya mezin çi jî bikin, nikarin deynê xwe bidin.
Şehîd Rojger diyar dike ji bo ew bibe layiqê vê ked û hewldanên Reber Apo û weke rexnedayîna li hemberî pêvajoyê biryara vê çalakiyê digire.
Min her tim xeyal dikir ku ez ê kengî roja me ya jiyanê, Rêberê me bibînim. Çiqas ez ê negihîjim şensê dîtina we ya fîzîkî jî, ez bawer dikim ku ez ê xwe bi çalakiya xwe re bigihînim we.
Di dewamê de Fedaiyê Nemir şehîd Rojger ji hevreyên xwe re jî li pey xwe vê peyamê dihêle:
“Hevrêyên min, bawer bikin ku jiyana bi we re, şerkirina li kêleka we, hesta herî xweş a di vê dinyayê de ye. Hêz û morala ku min ji we girt, berê min da vê çalakiyê. Lewma wê hûn hemû, di çalakiya ku ez ê bikim de, li kêleka min bin. Em ê bi hev re bi ser bikevin.”
Her wiha şehîd Rojger Hêlîn ji hevalên xwe yên Jin re jî dibêje , dinya bi destên we ji nû ve şîn dibe û vê bangê li wan dike:
“Pêwîste hûn jî ji bîr nekin ku, ne tenê li dijî dijmin, hûn li dijî pergaleke cîhanê şer dikin. Astengiyên ku li pêşiya azadbûna we ya bi tevahî digirin, hîn jî gefeke. Min bi çavên xwe ji îradeya we re şahîdî kiriye. Lê rica dikim ku parastina xwe ya cewherî, kêliyekê jî be ji dest bernedin. Rêbertî Partiya me emanetî we kir. Lewma, ji her demê zêdetir pêwîstiya me bi pêşengtiya we ya li her qadê re heye.”
Bi sernavê ‘ji gelê Kurd yê şerker re jî’ şehîd Rojger vê peyamê dide welatparêz û dildarên Kurdistanê re:
“Ji zû ve dema bi dawîkirina bêdengiya ku ev demeke hûn ketine nav de, hatiye. Pêwîste mirov xwe daweşîne û ruhê serhildanê ji nû ve hembêz bike. Tiştekî ku gelekî esîr winda bike nîne. Fikarên şexsî û malbatî divê li aliyekî bêne danîn, pêwîste em weke gel û tevger, ji nû ve li derdora Rêbertî werin asta xelekeke ji agir.”
Li ser vê bingehê Şehîd Rojger dawiyê bang dike, ji zû ve dema bi dawîkirina bêdengiya ku ev demeke gelê Kurd ketiye nav de hatiye û dibêje:
Pêwîste mirov ruhê serhildanê ji nû ve hembêz bike û weke gel û tevger, ji nû ve li derdora Rêbertî werin asta xelekeke ji agir.
