Rojnamevan Kemal Reuf têkildarî rojeva ku rejîma AKP-MHP’ê bi navê ‘pêvajoya asayîkirina rewşê û aştiyê’ behs dike de got:
“Dewleta Tirk nekarî bi hêza leşkerî armancên xwe pêkbîne, niha jî dixwaze dibin navên cûda de rêyek din a şer li dijî gelê Kurd veke.
Divê Kurd divê pêvajoyê de xwedî gotarek yekgirtî bin.
Rojnamevan Kemal Reuf di derbarê rojeva ku rayedarên rejîma AKP-MHP’ê bi navê ‘pêvajoya asayîkirina rewşê û aştiyê’ li Tirkiyeyê xistine rojevê de de axivî.
Di destpêkê de Rojnamevan Kemal Reuf balkişand li ser rojevkirina giftûgoyên aştiyê yên li Tirkiyeyê û got:
“Dibe rojevkirina pêvajoya aştiyê hin armanc û sedem di pişt de hebin.
Di du salên borî de dewleta Tirk digot ku emê bi hêza xwe ve heta Qendîlê herin, vê yekê ceribandin û nekarîn.
Dewlet gihişt wê baweriyê ku bi hêza leşkerî û êrişan nikarin armancên xwe pêkbînin.”
“Dewleta Tirk dixwaze yekitiya Kurdan ji holê rake”
Di dewamê de Kemal Reuf da zanîn ku yek ji sedemên din ên rojevkirina vê mijarê jî bi rewşa navxwe ya Tirkiye ve girêdaye û got:
“Destihilata Tirkiye dixwaze destkariyê di desturê de bikin û pêwîstiya wan bi dengê Kurdan heye.
Di berê de Kurd wekî niha nexwedî yek helwestiyê bû.
Dewletê dikarî bi rêya sozan û ol hinekan bi aliyê xwe de bikêşe.
Lê niha li Bakurê Kurdistanê gelê Kurd bi rêjeyek zêde xwedî yek helwesta aştî û parastina mafên Kurda nin.
Ji ber wê dibe ku dewlet bixwaze vê yekbûna Kurdan têk bide.”
Rojnamevan Kemal Reûf: Yên niha daxwaza aştiyê dikin her ewin rojane êrişî aştîxwazan dikin
Kemal Reûf diyarkir ku wek kes baweriya wî bi gotinên rejîma AKP-MHP’ê û wiha anî ziman:
“Guman hene ka wê rejîma AKP-MHP van pêngavên ji bo aştiyê çiqasî bi rast û tendirsutî bavêje.
Ji berku yên niha behsa aştiyê dikin her ew kesin rojane êrişî alî û kesên ku aştiyê dixwazin dikin.”
Kemal Reuf: Ger Tirkiyê dixwaze gav bavêje divê despêkê girtîgehan vala bike
Rojnamevan Kemal Reuf di beşek din ya axaftina xwe de got:
“Ger dewleta Tirk dixwaze giftûgoyan ji bo aştiyê pêşbixe, divê nûnerên Kurdan ên di girtîgehan de berde.
Lê armanca dewleta Tirk ewe ku dibin navê aştiyê de rêyek din a şer li dijî gelê Kurd veke.
Ger armanca dewleta Tirk aştî bûya wê pêşengên Kurd ên di girtîgehan de berdaba û rêya ji bo giftûgoyê vekiriba.
Tişta ku tê dîtin û bihîstin tenê gotine, ji bo wê gumanên me çêdibin ku vê carê jî cûrek din ê şerê li dijî gelê Kurd be.”
Li dijî şaredariyên Kurdistanê hewldanên dagirkirinê pêk tên
