Li Almanyayê dawî li koalîsyona sêmendî hat.
Wezîrê Karê Derve ya Almanyayê Olaf Scholz Wezîrê Maliyeyê Christian Lindner ji erkê girt.
Sedema vê yekê jî weke ne lihevkirina mijara diyarkirina butceyê weke hincetek tê bilêvkirin.
Li Almanyayê lîderên koalîsyona “lempa trafîkê” li avahiya Serokwezîrtiyê ya li Berlînê li hev civiyan.
Li Almanyayê koalîsyona sêmendî ji Partiya Sosyal Demokrat(SPD), Partiya Keskan û Partiya Lîberal Hur Demokrat (FDP) pêk tê.
Krîza di nava vê hikumeta koalîsyonê de her diçe kûrtir dibe.
Li gorî nûçeyan ji Partiya Sosyal Demokratan Olaf Scholz, Wezîrê Maliyeyê Christian Lindner ê ji Partiya Lîberal (FDP) ji erkê girt.
Tê gotin, Lindner ji Scholz re pêşniyar kiriye ku di destpêka sala 2025’an de hilbijartinên nû pêk werin.
Scholz: Linder gelek caran baweriya min vala derxist
Li gorî nûçeya rojnameya Bild, ku navenda wê Almanya ye, ev pêşniyar ji bo krîza hikumetê wekî çareseriyekê hatiye pêşkêşkirin û Scholz jî ev pêşniyar red kiriye.
Ofîsa Scholz ji bo ku di saet 23:15’an de werin civîna çapemeniyê bang li rojnamevanan kiriye.
Scholz têkildarî Lindner ê ku ji erk girtibû, ji çapemeniyê re axivîbû û gotibû:
“Gelek caran baweriya min vala derxist.
Hevpeymana têkildarî budçeyê jî bi rengekî yekalî betal kir.
Hem jî piştî ku me demeke dirêj li ser muzakere kiribûn û wisa me li hev kiribû.
Ji bo hevkariyeke zêdetir bingehê vê rewşê yê baweriyê tine ye.
Bi vî şeklî ne mimkun e ku xebateke cidî ya hikumetê karibe were meşandin.”
Scholz: Wê ji bo hikumetê di 15’ê Çileya 2025’an de dengê pêbaweriyê were bikaranîn
Scholz wiha dewam kir:
“Wezîrê Maliyeyê Lindner nîşan da ku ji bo pêkanîna ti pêşniyarên me xwesteka wî tine ye”.
Scholz bal kişand ku ji bo şîrketên Alman pêwîstî bi piştgiriyeke lezgîn heye, îşaret bi nabosa di navbera xwe û Lindner de kir û got:
“Her kî vê red bike ew bêyî berpirsiyarî tevdigere.”
Wezîr Scholz ragihand ku wê ji bo hikumetê di 15’ê Çileya 2025’an de dengê pêbaweriyê were bikaranîn.
Piştî vê hemleyê hilbijartinên parlamentoya Almanyayê yên ku dihat plankirin di payiza 2025’an de werin lidarxistin dikarin di Adara 2025’an de pêk werin.
Piştî ku Lindner ji erkê hat girtin nayê zanîn gelo wê FDP xwe ji koalîsyonê bikişîne yan na.
Scholz di nava rojê de zafera Donald Trump a di hilbijartinên serokwezîrtiya DYA de hêna beriya ku fermî bibe pîroz kiribû û bal kişandibû li ser firehî, ewlekarî û peywendiyên di navbera du welatan de.
