Sûc û binpêkirinên dewleta Tirk a dagirker û çeteyên wê bê navber li herêmê dagirkirî didomin.
Çeteyan 3 welatî ji Efrîna dagirkirî revandin.
Li Ezazê jinek bi awayekî hovane li pêşberî çavên zarokên wê hat kuştin.
Kiriyên ku dewleta tirk a dagirker û çeteyên wê li herêmê dagirkirî dikin sûcên şer in.
Tevî vê jî, tu helwest an jî ji aliyên peywendîdar yên cîhanî dernakevin.
Bi vê bêdengiyê re jî, dagirkeran sêcên xwe li dijî şêniyan zêdetir dikin.
Li gorî agahiyên çavkaniyekî xwecihî, çeteyên dewleta Tirk 3 welatî ji Efrîna dagirkirî revandine.
Navê kesê hatin revandin jî wiha ye:
Welîd Keyalî û Idrîs Tirko yên ji bajarokê Meydankê û Elî Bekir ê ji bajarokê Badîna ne.
Çeteyan van kesan li nêzî firna li ser rêya Helebê li taxa Eşrefiyê ya Efrîna dagirkirî revandin.
Çavkanî diyar kir ku çeteyan ew ber bi cihekî nediyar ve birin.
Li Ezazê jinek li pêş zarokên wê hate kuştin
Li herêmên dagirkirî bi teybet sûcên ku li dijî jinan pêk tên bi awayekî hov tê kirin.
Li gorî ajansa Nûçeyan a Jin (NÛJINHA), mêrek duh bi awayekî hovane hevjîna xwe xeniqand piştra jî bi kêran ew kuşt.
Ajansê diyar kir ku jin li bajarê Ezazê yê dagirkirî li pêşiya çavên zarokên wê hatiye kuştin.
Çeteyan li Efrînê 60 darên zeytûnan birîn
Birîna daran, desteserkirina mal û milêkên şêniyan û firotian wan didomin.
Navenda Çavdêriya Mafên Mirovan a Sûriyê ragihand ku çeteyan 60 darên zeytûnê li Efrînê birîn.
Darên hatine birîn yên welatiyekî ji gundê Şêxwaz yê li bajarokê Bilbilê ye.
Li aliyê din jî, çeteyan mala ku bi darê zorê ji xwediyê wê desteserkirinibên bi 3 hezar dolarên amerîkî firotin kesekî ji parêzgeha Humisê.
