Zilm û dagirkeriya dewleta Tirk ya li dijî HDP îro jî dewam kir.
Polîsên dewleta Tirk avêtin ser avahiya şarêdariya navçeya Sûrê Amedê.
Hevşaredara Sûrê Fîlîz Bûlûttekîn jî hate binçavkirin.
Hat diyarkirin ku polîsan di dema binçavkirinê de çek danine serê Bûlûttekîn.
Li Bakûrê Kurdistanê dagirkirina şaredariyên HDP û operasyonên qirkirinê siyasî didome.
Polîsên dewleta Tirk a dagirker vê sibehê avêtin ser avahiya Şaredariya Sûrê ya Amedê, avahî dorpêç kirin û lêgerîn pêk anîn.
Lêgerîna li avahiya şaredariyê bi seatan dewam kir û nehiştin ku ti kes bikeve hundir.
Her wiha avêtin ser mala Hevşaredara Sûrê Fîlîz Bûlûttekîn û endamê Meclîsa Şaredariyê Yilmaz Eken.
Bûlûttekîn û Eken piştî lêgerîna malê hatin binçavkirin.
Hevseroka Giştî ya DBP’ê û Parlamentera Amedê Salîha Aydenîz li ser hesabê xwe yê twetirê diyarkir ku dema polîsan Hevşaredara Sûrê Fîlîz Buluttekîn binçav dikir, çek xistine serê wê.
Operasyonên qirkirina siyasî Sê endamên meclisa şaredariya rêzanê ji erk hatin bi dûrxistin
Herwiha heman rojê ji aliyê Wezareta Karên Hundir a dewleta Tirk ve 3 endamên meclisa HDP’yî yên şaredariya Rêzan a Amedê ji wezîfeyê hatin dûrxistin.
